Polisievakbond verwelkom Momberg se vonnis

Vicki Momberg. Foto: ANA.

Die polisievakbond Sapu het Donderdag gesê hy verwelkom die vonnis wat Vicki Momberg opgelê is nadat sy ʼn polisiebeampte beledig het.

Momberg is Woensdag in die Randburg-landdroshof tot drie jaar tronkstraf gevonnis, waarvan een jaar opgeskort is.

“Die vonnis sal as ʼn afskrikmiddel dien dat persone in die algemeen nie rassistiese kommentaar lewer nie,” het Peter Ntsime, provinsiale adjunkvoorsitter van Sapu, gesê. Sapu loof landdros Pravina Rugoonandan wat Momberg gevonnis het nadat haar redes en verskonings oor haar rassistiese uitbarsting en kommentaar oorweeg is.

“Daar is min twyfel dat Momberg tot in haar kern rassisties is, selfs die maatskaplike werker wat haar saak hanteer het, het getuig dat Momberg haar rassisties behandel het.”

Hy het bygevoeg Sapu hoop dat die vonnis Momberg sal laat help besef dat die k-woord onaanvaarbaar en aanstootlik is, of dit nou in die privaat of in die publiek gebruik word. “Haar vonnis is ʼn Paasgeskenk vir die mans en vroue in blou wat daagliks op ʼn rassistiese basis verbaal mishandel word. Sapu glo dat hierdie vonnis sal bydra om mense op te lei en te wys dat rassisme, onderlinge diskriminasie en alle vorme van segregasie geen toekoms het in ons demokratiese bewind nie.”

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

20 Kommentare

jongste oudste gewildste
Ruan

Ek hoop dit word gebruik as maatstaf vir die wat teen wit soos die Maj wat oor die 80 jarige man gepraat het om hom ook tronk straf op te dien en dan natuurlik die hoof nar van die eeu julius baksteen brein malema

marianna

Wat van malema hoekom word hy nooit gearresteer nie hy is ‘n groter rassis
as Vicky Momberg

Bert

‘Kill the boer’ op ‘n Tshirt is wel aanvaarbaar??

Piet

Die skrif is aan die muur, maar die mense wat dit wil uitwys word nog altyd stil gemaak deur ander wat soms nie eers besef dat hulle in die duister wandel nie. Die president van die land is ‘n dief en n rampokker (op vrye voet) maar iemand wat ‘n ander persoon gevloek het gaan tronk toe. Vergeet vir n stadium van kleur en ras en probeer net die belaglikheid daarvan begryp!

Salomien

Dis so jammer dat daar regverdigheid inons regstelsel is nie. Kan iemand nie klas aanbied rakende onregverdigheid in Suid Afrika nie? Dit kan n verskil maak glo ek.