Polisievrou glo deur kêrel doodgeslaan

Argieffoto

Argieffoto

ʼn Polisiebeampte van KwaZulu-Natal is glo deur haar kêrel in haar huis vermoor.

Volgens kol. Thembeka Mbele, woordvoerder van die polisie, is sers. Thabilisile Zondi (41) Saterdagoggend in haar huis, in Scottsville in Pietermaritzburg, vermoor. “Sy en haar kêrel het glo gestry, waarna hy haar glo met ʼn piksteel doodgeslaan het.”

Mbele het gesê Zondi se liggaam is in ʼn plas bloed aangetref. Sy is ook in die gesig geslaan. ʼn Saak van moord is by die Alexander-polisiestasie geopen.

Volgens Mbele is die verdagte kort na die moord in hegtenis geneem. Hy sal Maandag in die hof verskyn op aanklag van moord.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

6 Kommentare

jongste oudste gewildste
Buitestander

Vir wat die moord?

Hasie

Is darem wreed nė!!

al

Dit bly skokkend die manier waarop moordenaars so maklik n lewe kan beeindig! Boosheid het sinomiem geraak met SA. Ek weet die Bybel se dat die son opkom oor die goeies en die slegtes. Dis net jammer dat die boosheid te veel sonopkomste sien!

Lance

En dit gebeur so gereeld …die gemeenskappe is vrot met geen sin of respek vir lewe nie ….dit begin by die huis met n opvoeding waar so baie ouers faal omdat hulle self net gebrokenheid erfaar het sover ….hoe kry mens die mense uit die bose kringloop weet ek regtig nie.

Totaal onaanvaar

Onaanvaarbaar, hoe kan hierdie vrou se lewe so min werd wees en die gemors kry nou weer mensereg, dit is tyd dat hierdie regering wakker skrik, doodstraf terugbring en as jy so sinneloos n lewe neem, moet jy net so sinneloos sterf, mens regte???? M abel Jansen jy was weereens sooooo reg!