(Foto: SA Polisie)
ʼn Polisiebeampte is Maandag in die vroeë oggendure in Muizenberg in Kaapstad gewond toe vermeende rowers op hom en ʼn kollega losgebrand het.
Die onafhanklike polisie-ondersoekdirektoraat (Opod) het in ʼn verklaring gesê die beamptes wat aan diens was, het ʼn verdagte voertuig in Strandweg geïnspekteer toe die drie vermeende rowers hulle aangeval het.
Een polisielid is vier keer in die skouer gewond.
“Die twee polisiebeamptes het teruggevuur en ʼn gewapende volwasse man doodgeskiet. ʼn Vuurwapen is op die toneel gevind,” het Sontaga Seisa, Opod-woordvoerder, gesê.
Die man se twee makkers het van die toneel gevlug.
“Opod ondersoek die omstandighede rakende die ongeïdentifiseerde oorledene se dood, terwyl die polisie ʼn poging tot moord op die polisiebeampte ondersoek.”
Niemand is nog in verband met die voorval in hegtenis geneem nie.
Wel, hulle het ingehandigde vuurwapens uit die polisie kluise gekoop of gestroop. So vertel ons asseblief hoekom !oetnons gaan inhandig. Ek het al 17 maande gelede n hernieude nevlegdheids kaartjie gekry en wag steeds vir my hernieude wapen lisensie
Hoog tyd dat die polisie hulle self verdedig.