Politieke ontleder gekap oor Zuma-kommentaar

theo-venter-nwu

Theo Venter, ‘n politieke ontleder verbonde aan die Noordwes-Universiteit se sakeskool. Foto: Theo Venter/Twitter.com

ʼn Herrie het verlede week oor Theo Venter se uitlating losgebars nadat hy glo “rassisties” was deur oudpres. Jacob Zuma se tyd met dié van apartheidsleiers te vergelyk.

Venter is ʼn politieke ontleder verbonde aan die Noordwes-Universiteit se sakeskool.

Prof. Dan Kgwadi, visekanselier van die NWU, het Maandag bevestig hy het die dekaan van die fakulteit van dié universiteit se sakeskool gevra om te kyk na die aantygings teen Venter, maar wou nie sover gaan as om dit ʼn formele ondersoek te noem nie.

Die Umkhonto weSizwe-Militêre-Veterane-vereniging (MKMVA) het Venter se kop geëis ná Dinsdag se debatgesprek op RSG se Praat Saam-program met dié organisasie se woordvoerder, Carl Niehaus.

Venter het gesê Zuma se sowat agt jaar as president was “waarskynlik” die swakste presidensiële periode in die land se geskiedenis en gesê hy sluit apartheidsleiers hierby in. Hy het na Zuma se bestuurstyl en die manier waarop hy die ekonomie bestuur het, verwys.

carl-niehaus-ana-twitter

Carl Niehaus, woordvoerder vir die MKMVA. Foto: @AfriNewsAgency/Twitter.com

Niehaus het teruggekap en gesê dit is ʼn geweldige aanklag teen Venter self as hy bereid is om so iets te sê. Hy het gesê hy is absoluut geskok dat die politieke ontleder bereid is om ʼn vergelyking te maak tussen Zuma en apartheidsleiers en rassiste “wat absolute menseregteverkragting in Suid-Afrika gepleeg het”. Hy het verder gesê Venter se uitlatings is vir hom ʼn bewys dat hy nog nie gerehabiliteer is nie en vasklou aan die verlede.

Niehaus het Donderdag ʼn mediaverklaring namens Kebby Maphatsoe, die MKMVA-president, uitgereik en gesê om Zuma met apartheidsleiers te vergelyk, is nie net uiters onsensitief nie, maar ook ongebreidelde rassisme.

Die MKMVA het gelas dat ʼn amptelike ondersoek teen Venter ingestel word en dat die universiteit hom hangende die afhandeling daarvan skors. Hulle het gesê hulle wil alle ANC-strukture en studenteorganisasies in die Noordwes mobiliseer om druk op die universiteit te plaas om van Venter ontslae te raak en het geëis dat Naledi Pandor, minister van hoër onderwys en opleiding, moet sorg dat daar teen hom opgetree word. Die organisasie het ook gedreig om ʼn klagte van rassisme en haatspraak teen Venter by die Suid-Afrikaanse menseregtekommissie in te dien.

Maroela Media het Maandag verskeie kere vir Venter gekontak vir kommentaar, maar kom hom nie voor die plasing van hierdie artikel bereik nie.

Kgwadi en Louis Jacobs, woordvoerder van die NWU, het wel aan Maroela Media die versekering gegee dat Venter nie gemuilband is of enigsins verhoed is om met die media te praat nie.

“Enige aantygings wat gemaak word teen ʼn persoon wat met die universiteit geassosieer kan word, moet bekyk word. Ons sal Venter beslis die kans gee om sy kant van die saak te stel. Die dekaan van die sakeskool sal besluit wanneer almal vir so ʼn gesprek beskikbaar is,” het Kgwadi gesê.

Prof. Dan Kgwadi, vise-kanselier van die NWU Foto: Nico Strydom, Maroela Media

Hy het bevestig dat hy nie self na die debatgesprek op RSG geluister het nie, maar dat hy ʼn transkripsie van die gesprek onder oë gehad het en sy kommentaar oor die gesprek daaruit saamgestel het.

Kgwadi het Saterdag in ʼn mediaverklaring gesê die universiteit neem kennis van die gesprek en die beskuldiging teen Venter dat hy steeds rassistiese oortuigings huldig. Hy het gesê vergelyking tussen Zuma en apartheidsleiers is onsensitief en word nie deur die NWU as toepaslik beskou, aanvaar of goedgekeur nie.

Kgwadi het aan Maroela Media bevestig hy glo vryheid van spraak moet gekoester word en akademiese vryheid is ʼn belangrike eienskap van universiteitswerk, maar dit moet met die nodige verantwoordelikheid gedoen word.

Niehaus het Sondag op Facebook die NWU se vinnige optrede teen Venter geloof.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

33 Kommentare

jongste oudste gewildste
Rynhardt

Dit het te maklik geword vir Anc om agter rassistiese wetgewing te skuil vir 24jaar en dit te verdedig!Wanneer gaan Anc gerehabiliteer word??????????????????

Wilma

Kyk nou net. Zuma het huveel keer gesing dai liedjie wa die geweer moet opgetel word. Of so iets. Maar nou het n wit persoon iets gese nou is dit rassisme. Oe die dubbele standaarde. Zuma is mos uitgewerk as President met n rede maar die aanhangers van hom is ongelukkig. Miljarde rande verlore gegaan ma zuma aanhangers worry ni daaroor

Jannie

Wat het ń persoon se bestuurstyl en die manier waarop jy die ekonomie bestuur met rassisme te doen.
Ek kan uit die berig hierbo geen rassistiese opmerking sien nie, dit wil my eerder voorkom of sommige mense dinge ontleed en rassehaat soek waar dit nie is nie.

Koos de Meyer.

Die waarheid is mos die waarheid, hierdie rassisme perd is nou al so hol gery waar kom vryheid van spraak nou in. Maar nee dit geld mos net vir sekere mense. Dubbel standaarde. Jammer dat ons dit moet beleef.

LR

Natuurlik is Venter 100% reg. Zuma het hierdie land se ekonomie met 25% laat krimp, dit is waarskynlik die rede vir die 26% werkloodheid vandag.
In die ou dae sou so n skuldibevinding as n halsmisdaat beskou word, maw die oplê van die doodstraf.
Zuma is nie net die swaste leier ooit in SA nie maar ook van die swakste in Afrika ooit.