Polo in twee geruk in KZN-ongeluk

Die motor is tydens die ongeluk in twee geruk. (Foto IPSS)

ʼn Volkswagen Polo is in twee geruk in ʼn ongeluk op die N2 naby Nyoni in KwaZulu-Natal. Twee mense het in dié ongeluk omgekom.

Paul Herbst, woordvoerder van IPSS Medical Rescue, sê ʼn insleepvoertuig het vanoggend oënskynlik weens die gure weer stadig in die noodbaan gery toe ʼn rooi Polo uit ʼn aankomende rigting reg van voor teen hom gebots het.

Nooddienswerkers op die toneel naby Nyoni in KZN. (Foto: IPSS)

“Die groot impak van die botsing het die Polo in twee geskeur. Die bestuurder en passasier is op die toneel dood verklaar,” het Herbst gesê.

Die bestuurder van die insleepvoertuig is ernstig beseer. Herbst het gesê lewenskake moes ingespan word om die man uit die voertuig te bevry.

Die passasier het ligte beserings opgedoen.

Twee mense is in die ongeluk dood. (Foto: IPSS)

 

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

18 Kommentare

jongste oudste gewildste
DieKriek

95% van die bestuurders wat my met n woeste spoed onwettig verbysteek, ry Polos.

Phillip

Spoed vraat ek ry so dat ek my kar kan beheer as daar n kar van voor af kom wat verby steek trap ek briek so dat hy tyd het om verby te kom maar van dag se mnse sal eerder ligte gooi maar nie spoed virminder nie

JohanR

Was die insleepvoertuig in die verkeerde laan al het hy stadig gery? In alle geval meeste bestuurders van Polo’s is mal jaagers!

Misky

So die Polo het aan verkeerde kant van die pad se geel streep gery as ek reg verstaan. En boonop met n hengse spoed dat die impak so hard kon wees dat kar in twee dele is. Waansinnigheid!!!

Wat ek ook deesdae sien is dat die taxis ook so ry agter ambulanse of SAPS voertuie wat na ongelukstoneel gaan. Jaag ook dan so in geel lyn om verby stil verkeer te gaan teen hengse spoed. En hulle kom weg daarmee

Sarel

Polo’s o gits altyd gedink dit is die ouens mrt die BMW’s
In elk geval…..Selfmoord?
Of was een van hulle nie bewus aan watter kant van die pad hy/sy was nie.