Polokwane-sakevrou en ma vermoor: ‘Meesterbrein’, huiswerker in hof

Hettie (links) en Lizette (regs) Deacon (Foto: Facebook)

Die vermeende meesterbrein agter die moorde op Lizette Deacon (55) en haar ma, Hettie (79), verskyn Maandag saam met die ma en dogter se huiswerker in die Polokwane-landdroshof.

Die huiswerker, ʼn 51-jarige vrou, is omstreeks 08:00 Vrydag in Polokwane in hegtenis geneem terwyl die vermeende meesterbrein, ʼn 41-jarige man, omstreeks 09:00 in Ivory Park in Tembisa aan die Oos-Rand in hegtenis geneem is.

Die man is glo ʼn voormalige werknemer van die Deacons in een van die Ocean Basket-takke in Polokwane. Hy is glo onlangs afgedank. Hy en die huiswerker was na bewering in ʼn verhouding.

Die polisie is intussen op soek na nóg ʼn man wat hulle kan bystaan in die ondersoek. “Die man, genaamd Owen, word versoek om by die naaste polisiestasie aan te meld, want hy kan ons moontlik bystaan in die ondersoek,” het brig. Motlafela Mojapelo, woordvoerder van die polisie, gesê.

Owen, ʼn Zimbabwiër, gebruik een van die volgende vanne: Setsiba, Makutara of Mbedzi.

Lizette en Hettie se liggame is verlede Donderdagaand laat in hul motor langs die R37 by die Kushcke-afrit, buitekant Polokwane, gevind. Hulle is laatmiddag ontvoer nadat daar by hul meenthuis in Welgelegen ingebreek is. Albei vroue was vasgebind en het verskeie steekwonde gehad.

Vier verdagtes is nou reeds in verband met die moorde in hegtenis geneem. Die eerste twee verdagtes, Casper Mudau (35) en Advanced Amid (30), het Dinsdag in die hof verskyn op aanklag van moord nadat hulle verlede naweek in hegtenis geneem is. Die saak is tot 25 September uitgestel vir verdere ondersoek.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

14 Kommentare

jongste oudste gewildste
Fubar

Wonder of die beskuldigde ook so bitterlik gaan ween in die hof? Loongeskille wat met moord “besleg” word, is ‘n tendens wat op plase en elders aan die toeneem is. Skreiend!

ES

Telke male wat daar ‘n berig word oor ‘n moord wat gepaard gaan met ‘n loongeslkil of iets soortgelyks, is daar ‘n Zimbabwier of Mosambieker betrokke. Hulle kom hierheen vir beter heenkome maar sodra hul ontevrede is vermoor hulle net.

Ek hoop hulle word almal gevang.

Snowball

Huiswerkers – hulle verskaf inligting, werk saam en is al te dikwels betrokke by die moorde. Wees versigtig wie jy by jou deur inlaat; die vroom gesig is dalk net ‘n masker.

groenboer

Mens moet maar versigtig wees wanneer jy werk wil verskaf. Dit kan jou jou lewe kos. Dit gebeur soos klokslag dat mense deur, of met die hulp van, huiswerkers vermoor word. Dalk tyd om te gaan nadink oor ons verslawing aan goedkoop arbeid…

Vernon

Solank ons nie ons eie werk in die huis of tuine doen nie sal dit gebeur. Beste is…vertrou niemand!