Poppie-moord: Albei beskuldigdes in hof

Kobus Koekemoer. Foto: Mariné Lourens

Kobus Koekemoer. Foto: Mariné Lourens

Kobus Koekemoer is Woensdag uit ʼn hospitaal in Brits, Noordwes, ontslaan om in die plaaslike landdroshof te verskyn waar hy tereg staan vir die moord op sy driejarige stiefdogter, Poppie van der Merwe.

Kobus (43) word saam met sy vrou en Poppie se ma, Louisa Koekemoer (45), van Poppie se moord aangekla.

Daar is aanvanklik Woensdagoggend verneem dat Kobus nie saam met Louisa in die hof sal verskyn nie, aangesien hy nog in die hospitaal was nadat hy verlede week glo sy polse in ʼn polisiesel met ʼn lem gesny het. Nadat die staatsaanklaer, adv. Hanna Conradie, en Louisa se regsverteenwoordiger, adv. Adrian Nel, vanoggend met mekaar gekonsulteer het, is die besluit geneem dat Kobus in die hospitaal gehaal moet word om in die hof te verskyn.

ʼn Hospitaalnaambandjie was steeds aan Kobus se linkerarm sigbaar toe hy die hof binnegekom het. Sy hare is intussen afgeskeer en hy het verbande om sy enkels gehad.

Kobus het in die hof aangedui dat hy nie ʼn regsverteenwoordiger het nie en dat hy om regshulp wil aansoek doen. Nadat ʼn regsverteenwoordiger aangewys is om hom te verteenwoordig, het Conradie aan die hof gesê dat die ondersoek na die saak nog nie afgehandel is nie. Die staat wag ook steeds op die klagstaat van die direkteur van openbare vervolging.

Kobus en Louisa Koekemoer. Foto: Mariné Lourens

Kobus en Louisa Koekemoer. Foto: Mariné Lourens

“Ek wil daarom hierdie hof versoek om die saak uit te stel om geleentheid te gee dat die ondersoek afgehandel word en om hopelik voor die volgende hofverskyning die klagstaat te ontvang,” het Conradie gesê. Die besluit is ook geneem dat die saak in die hooggeregshof in Pretoria verhoor sal word en dat die regspanne nog wag op ʼn hofdatum vir die verhoor.

Die twee Koekemoers se regsverteenwoordigers het albei aangedui dat hulle geen beswaar teen die versoek om uitstel het nie en die saak is tot 21 Februarie uitgestel.

Intussen het Nel aan Maroela Media bevestig dat Louisa aansoek gedoen het om teen haar borgtoguitspraak te appelleer. Louisa is op 19 Desember verlede jaar borgtog geweier. Nel het gesê hy wag nou op ʼn datum wanneer die appèlaansoek aangehoor sal word.

Maroela Media het vroeër berig Poppie is die aand van 25 Oktober na ʼn hospitaal in Brits gehaas nadat sy vermoedelik erg aangerand en geskop is. Sy is kort ná haar aankoms by die hospitaal dood verklaar. ʼn Nadoodse ondersoek het later getoon dat die oorsaak van haar dood ʼn harde hou teen haar kop was. Sy het ook bloeding op haar brein gehad.

Kobus is kort ná Poppie se dood vir haar moord in hegtenis geneem. Louisa is op 15 Desember omstreeks 15:00 by haar huis in Mamogaleskraal in Noordwes in hegtenis geneem.

Lees alle vorige berigte oor Poppie van der Merwe op Maroela Media.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.

41 Kommentare

jongste oudste gewildste
Jean

Eienaardig hoe lank vat die ONDERSOEKE na kinders se dood en intussen speel die ou nog slagoffer en hoop almal kry hom jammer na sy flou selfmoordpoging?? Die REGSTELSEL stel my weereens teleur .. Snaaks hoe vinnig ander sake afgehandel word en die manne sommer gevonnis en in die tronk gegooi word voordat daar nog ordentlik ondersoek gedoen is, hulle moet net ‘n “goeie” getuie kry. Hier is ‘n babatjie vermoor en hulle sukkel met die ondersoek? Dis nou al maande .. POS HULLE!!

Brabus

Die beesneus sny sy polse maar sy enkels is in verbande???

Louise Karsten

Interessant hoe oud Louisa geword het as jy na haar ander foto’s op sosiale media kyk – dit gebeur seker wanneer jy toelaat dat jou man jou dogtertjie mishandel en jy net toekyk.

Vra net

Hy het probeer selmoord pleeg deur sy polse te sny, maar daar is geen verbande om sy polse nie, maar wel om sy enkels? Snaakse plek om jou polse te probeer sny

Albert Marais

Wat gaan met mensdom van vandag? Hulpelose onskudige kind. Waar gaan dit eindig?