‘Poppie Nongena’-aktrise sterf

Nkonyeni vroeër vanjaar toe sy die Orde van Ikhamanga (silwer) ontvang het.

Die veteraanaktrise Nomhle Nkonyeni is Woensdag in die ouderdom van 77 dood.

Nkonyeni was veral bekend vir haar rol as Poppie in Kruik se verhoogproduksie van Die swerfjare van Poppie Nongena van Elsa Joubert.

Die Suid-Afrikaanse regering het sy medelye met Nkonyeni se familie betuig. “Sy sal onthou word vir haar uitstekende bydrae tot die uitvoerende kunste.”

Die Nelson Mandelabaai-metro het ook sy medelye betuig. Nkonyeni is in New Brighton in Port Elizabeth gebore en ʼn straat in die township is na haar vernoem.

Volgens die metro het Nkonyeni haar talent gebruik om tot Suid-Afrika se stryd vir vryheid by te dra. “Sy het haar kuns steeds aktief beoefen en het haar ryke ondervinding gebruik om jong akteurs te bemagtig en hulle aan te moedig om betrokke te raak by kuns en kultuur in die stad,” het die metro in ʼn verklaringe gesê.

Nkonyeni se mees onlangse rol was dié van Lulama Langa in die eTV-sepie Scandal!. Sy was ook onlangs te sien in die rolprent Sew the Winter to My Skin. Haar ander onvergeetlike rolle was in Tsha-Tsha, Red Dust, Catch a Fire, Igazi, Gaz’lam, Zero Tolerance en Home Affairs.

Pres. Cyril Ramaphosa het in April die Orde van Ikhamanga (silwer) aan Nkonyeni toegeken vir haar bydrae tot die uitvoerende kunste. Sy is in 2016 ook met ʼn Safta (Suid-Afrikaanse rolprent- en TV-pryse) vereer vir haar lewenslange bydrae tot die uitvoerende kunste.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

Het jy iets op die hart? Maroela Media se kommentaarfunksie word ongelukkig tydelik gesluit tussen 22:00 en 06:00 op Vrydagaande, Saterdae, Sondae en Maandagoggende.

Jy kan steeds op Maroela Media se Facebook-blad en ander sosiale media saamgesels. Nuuswenke kan deur hierdie vorm gestuur word.

5 Kommentare

Het jy iets op die hart? Maroela Media se kommentaarfunksie word ongelukkig tydelik gesluit tussen 22:00 en 06:00 op Vrydagaande, Saterdae, Sondae en Maandagoggende.

Jy kan steeds op Maroela Media se Facebook-blad en ander sosiale media saamgesels. Nuuswenke kan deur hierdie vorm gestuur word.