Poskantoor aanvaar nou bankkaarte vir lisensiehernuwings

(Foto: Esther Lourens)

Die Poskantoor sê hy aanvaar voortaan debiet- en kredietkaarte as betaalmiddel vir die hernuwing van motorlisensies by alle poskantore waar dié diens beskikbaar is.

Die kantore het voorheen net kontant as betaling hiervoor aanvaar.

“Die diens is by sekere poskantore in al Suid-Afrika se provinsies beskikbaar, behalwe Mpumalanga en die Wes-Kaap. Die lys met takke waar die diens beskikbaar is, is op die poskantoor se webblad,” het Johan Kruger, woordvoerder van die Poskantoor, gesê.

Die hernuwing van motorlisensies is die gewildste van alle transaksies by poskantore – ʼn duidelike bewys dat die diens ʼn groot sukses is, het Kruger gesê.

Motoriste wat ʼn verkeersboete ingevolge die Administratiewe Beregting van Padverkeersmisdrywe-wet, ook bekend as Aarto, opgelê is, kan dit ook by enige poskantoor betaal.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

31 Kommentare

jongste oudste gewildste
Robert

Uiteindelik!

EJ

Hier by ons is hulle altyd af lyn.

Ines

Baie bly daaroor.

Judge Dredd

…net jammer die poskantoor hier by ons het nie eens koeverte…..

Denise

Nou gaan die kaartmasjiene weer nie GEREELD nie werk nie……