Poskantoor-huurkontrak deurspek met ongerymdhede

Die Poskantoorgebou by Eco Point-kantoorpark in Centurion, Gauteng (Foto: Google Earth)

Die Poskantoorgebou by Eco Point-kantoorpark in Centurion, Gauteng (Foto: Google Earth)

Die Openbare Beskermer het Dinsdag gesê ʼn huurooreenkoms wat die Poskantoor in 2010 aangegaan het by die luukse Eco Point-kantoorpark in Centurion, Gauteng, was vol onreëlmatighede en korrupsie.

Volgens Thuli Madonsela het die raad van die Poskantoor staatgemaak op vervalste inligting wat betref strukturele foute in die gebou waar die poskantoor in daardie stadium geleë was.

Volgens haar het die Poskantoor toegegee dat die hervestiging na Eco Point nie in sy strategiese beplanning vir 2009/2010 ingesluit was nie. Die raad het ook versuim om ʼn mededingende tenderproses van stapel te stuur voor hy die 10 jaar huurkontrak ter waarde van R161 miljoen aangegaan het.

“Die huurkontrak by Eco Point-kantoorpark was gevolglik nie regverdig, billik, deursigtig, mededingend of koste-doeltreffend nie,” het sy gesê. Aangesien daar ook nie ʼn dringendheid was om te skuif en die Eco Point-gebou ook nie die enigste beskikbare gebou was om ʼn afwyking van die behoorlike tenderproses te regverdig nie, is die aanskaffing van die gebou gevolglik ook onwettig.

Madonsela ondersoek bewerings van wanadministrasie en onbehoorlike gedrag by die poskantoor. Die ondersoek volg ná klagtes deur die Kommunikasiewerkersvakbond in 2011 aanhangig gemaak is. Die ondersoek dek alle transaksies en optrede tussen April 2002 en September 2012.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

12 Kommentare

jongste oudste gewildste
Alwyn

Die skip het klaar gesink! Lê reeds al meters diep onder die slik.

Amanda Wait

@Alwyn, ek en my man en ander Poskantoor werkers het nie jou negatiwiteit en verdoeming nodig nie. Bid eerder vir die werkers dat niemand hulle werke verloor nie. Die Poskantoor sal weer opstaan in Jesus se Heilige Naam! AMEN.

WAKKER AKKER

Ou gebou n gevaar wonder wat sou hulle gedoen het as hulle in poskantore moes gewerk het sonder ceilings en aircons waar temperatuur tot 48 grade word.geluk minister maak hulle skoon daar is nog baie.Doen ook weg met vendours wat 3 maal die prys van item vra as wat dit werklik kos

Wonder

Hoop dat verdere regstappe sal volg En dat dit nie net nog n verslag sal wees soos vele ander verslae voor die nie. Erens moet iemand tog verantwoording kan doen kontrakte het mos handtekeninge op. Die arme werkers is die mense wat swaar kry en top bestuur verryk hulself.

Liewe Heksie

THULI wil jy nie maar jou eie party stig nie , want vir jou stem ek vir PRESIDENT