Poskantoor kap terug oor beweerde afleggings

(Argieffoto)

Die Poskantoor het Donderdag ontken dat hy gesprekke voer oor moontlike afleggings om arbeidskoste te bestuur.

“Die SA Poskantoor (Sapo) het geen planne aangekondig om werkers af te lê as deel van sy huidige plan om arbeidskoste te besnoei in ooreenstemming met die omkeerstrategie nie,” het Johan Kruger, woordvoerder van die Poskantoor, gesê.

Hy het gesê ten spyte daarvan dat die Poskantoor se arbeidskoste hoog is, is berigte oor beoogde afleggings onwaar. Die organisasie is besig met die inwerkingstelling van verskeie alternatiewe maniere om op arbeidskoste te bespaar en uitgawes te verminder.

“Sapo het, in oorleg met werkers en vakbonde, begin met ʼn program waarin hy vrywillige skeidingspakkette aan kwalifiserende werkers aangebied het. Hiervan is 776 goedgekeur,” het Kruger gesê.

“Die totale skeidingspakkette beloop R130 miljoen en die jaarlikse besparings op arbeidskoste danksy die program is R204 miljoen.”

Kruger het gesê Sapo ondersoek ook ander maniere om sy salarisrekening te sny. Dit sluit in oortyd, wat tans sowat R42 miljoen per jaar beloop.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

9 Kommentare

Johan Maritz ·

Die ANC het na 1994 net aanstellings gemaak en salarisse verhoog en nou sit die land met die gemors. Hulle is gelukkig dat die SASSA ontvangers hulle in die parlement hou.

Johanna Botha ·

Kap maar terug die geld is op of vra vir n IMF lening ! Saa klaar orderdeur !

Hennie ·

Ek dink SAPO moet net eenvoudig sy deure sluit! Ek verkies Postnet by verre!

George in Bloem ·

Die nuttelose onbevoegde spul kan maar hulle deure toemaak. Niemand sal hulle mis nie.

Chris du preez ·

Ek kan nie glo dat hulle nog oortyd ook werk. Hulle diens in werkstyd is pateties wat lewer hulle na ure.

Bankrot ·

Range is uitgedeel en bevorderings is gemaak om al die comrades gelukkig te hou in staatsdepartemente. Nou is die salarisrekening te hoog want werkers sit met salarisskale wat eintlik bedoel was vir bestuurders. In ons dae moes jy vat wat jy kry, of jou baadjie vat en loop onder ons vorige regering!

SIOUX ·

die staf word verminder met 776 siele maar binne n maand word 800 mense aangestel Daar moet mos gesorg word vir die familie en vriende.
Ek kon nog nooit verstaan waarom dit skeidingspakkette aangebied word nie want die werk moet nog steeds gedoen word.

Grassie ·

Oh my, het ons ‘n poskantoor nog? Waarvoor word dit gebruik??

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.