Poskantoor-verdagte sterf tydens jaagtog

Foto verskaf deur SAPD Wes-Kaap

Vier gewapende rowers is Dinsdagoggend omstreeks 11:20 in hegtenis geneem ná ʼn rooftog by ʼn poskantoor in De Doorns in die Wes-Kaap.

Kapt. Frederick Van Wyk, woordvoerder van die polisie, sê ʼn vyfde verdagte het omgekom toe die wegkomvoertuig tydens ʼn hoëspoedjaagtog met die polisie in die Paarl omgeslaan het.

“Die verdagtes het personeel by die poskantoor met vuurwapens gedreig en kontant en Sassa-kaarte geëis. ʼn Noodoproep is op polisieradio’s uitgestuur en verskeie polisievoertuie het aan die soektog deelgeneem,” het Van Wyk bygevoeg.

Die verdagtes se voertuig het in die Paarl omgeslaan en hulle is in hegtenis geneem. Beamptes het beslag gelê op drie ongelisensieerde vuurwapens en die gesteelde kontant en kaarte.

Die verdagtes sal binnekort in die hof in De Doorns verskyn.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.

3 Kommentare

jongste oudste gewildste
Tipper

Een is doodgeskiet

JM

Elke Jan Rap en sy maat beskik deesdae oor vuurwapens.