Poskantoor weer op rand van ineenstorting

(Argieffoto)

Bankrotskap staar die Suid-Afrikaanse Poskantoor (Sapo) in die gesig ondanks die R8 miljard wat hy sedert 2014 ontvang het.

Berigte het aan die lig gekom dat die poskantoor weer agterstallig is met pos, huurgeld en die betaling van verskaffers.

Die DA sê eienaars van geboue wat deur die poskantoor gehuur word, word nie betaal nie en daar is berigte dat die poskantoor huurgeld skuld wat langer as 120 dae agterstallig is. Die poskantoor begin selfs ook van sy grond en eiendom verkoop.

Rekenaarstelsels, waaronder die noodsaaklike aanlyn opspoordiens, is wanfunksioneel en dus het kliënte geen idee van die status van hul pakkies of pos nie – geregistreer of nié. Die DA sê die poskantoor se webwerf wys mooi prentjies, eerder as dat dit ʼn nuttige sakehulpmiddel is.

“Met dié dat die poskantoor geen verdere finansiering kry nie en die uitgawes baie hoër as die inkomste is, benut hy die enigste manier om kop bo water te hou, naamlik om betalings aan krediteure te staak,” sê Cameron McKenzie, die DA se woordvoerder oor kommunikasie en digitale tegnologie.

In ʼn hofuitspraak verlede jaar het dit aan die lig gekom dat die poskantoor op 31 Julie verlede jaar byna R1,06 miljard verloor het.

“Dit is ook geen verrassing dat die DA verneem het van die bedanking van die onlangs aangestelde Khathutshelo Ramukumba nie – skaars twee maande nadat sy as finansiële hoof aangestel is.”

Volgens die DA is Covid-19-protokol ook nie ingestel nie, veral gedurende die spitstye wanneer mense maatskaplike toelae by die poskantoor gaan haal.

“Die poskantoor is ʼn noodsaaklike reddingsboei – met die grootste voetspoor in die land – met die buitewêreld en vir mense in landelike en afgeleë gebiede. As hy gered moet word, moet die regering ophou praat oor openbare én private vennootskappe en dit in werking begin stel.

“Vir ʼn bedrewe operateur met kapitaal om te belê kan die poskantoor slaag. Gedeeltelike of algehele privatisering is die enigste alternatief vir bankrotskap.”

Volgens McKenzie het die departement van kommunikasie ʼn nuwe minister nodig en die poskantoor ʼn nuwe eienaar.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.

36 Kommentare

jongste oudste gewildste
Wondermaarnet

Weer eens in die grond in gehardloop deur die ANC en hul kaders.

Sarel

Wst verwag hulle… geen disnslewering nie….eet en klets en tee drink .

Stefan

Na die laatste groot staking (paar maande as ek reg onthou) het baaaie mense en bedrywe moed opgegee met hulle en privaat koerierdienste begin gebruik en agter gekom dat dit heel bekostigbaar en baie meer betroubaar is.
Die kliënte is dus vir altyd verlore.

Pierre

en daar gaan die Covid geldjies seker om n sinkende skip te red.

JohanR

Ek het ‘n A4 koevert in die week Pretoria toe gestuur net met gewone pos, toe se die dame agter die toonbank dit kan tot drie weke wat om daar aan te kom met die ossewa! Met fie vlietuig vat dit soe week. Kan al klaar ‘n bailout hier sien aankom. Werk en sweet belastingbetalers, werk en sweet!