Potch-SR: ‘Regering het ons in die steek gelaat’

Voorsitter van die SR, Paul Maritz. Foto: Verskaf.

Voorsitter van die SR, Paul Maritz. Foto: Verskaf.

Die studenteraad (SR) van die Noordwes-Universiteit (NWU) se Potchefstroom-kampus het gesê die departement van hoër onderwys het sy verantwoordelikheid teenoor studente versuim deur universiteite aan hulle eie lot oor te laat.

Dit kom nadat dr. Blade Nzimande, minister van hoër onderwys, Maandag gesê het universiteite moet self bepaal met hoeveel hulle klasgeld volgende jaar gaan verhoog.

Volgens Paul Maritz, voorsitter van die SR, is die belangrikste rolspeler in die kwessie aangaande onderriggeld die staat en nie die studente of die universiteit nie. Volgens Maritz is die primêre argument dat dit die staat se verantwoordelikheid is om vir universiteite te sorg en hulle te beskerm. “Die staat het nie sy kant gebring nie. Deur ʼn 8% maksimum verhoging aan te kondig en toe die deur in universiteite se gesig toe te slaan, het die departement die maklike uitweg gekies.”

Maritz het gesê ʼn groot groep studente voel die regering het hulle in die steek gelaat. “Landswyd kan talle studente nie ʼn verhoging in klasgeld bekostig nie, maar universiteite is in ʼn moeilike posisie omdat hulle onder finansiële druk is.”

Volgens Maritz is hulpbronne reeds “tot op die been gesny” en kry die universiteit reeds swaar om sy volle pligte in hierdie verband na te kom.

Maritz het studente ondanks die #FeesMustFall- en #FeesMustFallReloaded-veldtogte versoek om mekaar te ondersteun en mekaar se sienings te respekteer. “Kom ons wees verdraagsaam en verseker saam dat ons kampus veilig bly en dat ons akademiese aktiwiteite sonder onderbrekings voortgaan. Die veiligheid van ons studente asook die voortsetting van ons akademiese program is ons hoogste prioriteit”.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

21 Kommentare

jongste oudste gewildste
Jacobus Krynauw

Dit bevestig maar net weer die onvermoë van die regering se onvermoë om besluite te neem

Danie

Ja, alweer die regering, ne!!!!
Hulle het laasjaar gesorg dat studente wegkom met geen
verhogings van die UNI- gelde
Nou, onttrek hulle maar net en die universiteite moet self die mas opkom
so al die barbaarse dinge wat hulle nou aanvang het seker niks met die regering te doen nie!!
Tipies.

Nou praat jy

Dis hoe studente moet klink, nie die AFBREEK & BESKADIG ING van eiendom.
Studente STUDEUR, nie toi toi. Daar is tyd vir studente pret, soos om ‘n 13 ton swembad op ‘n koshuis dak te bou, lank lank, gelede. :-)

Johann

My ALMAMATER. Lekker en trots om te hoor dat daar tog sinvolle deurdagte woorde en sinne uit n “student” se mind kan kom. Nie net n praktiese eksamen in brand en breek nie. Of totaal logies ontneemde “denke”. Sterkte aan die PUK…hoop en bid en glo dat die mag van die menigte nie oorneem nie.

William

My dogter op PUK. So seun kort nou vir jou n Bells. Sal kan doen as skoonseun ook. Praat wyse woorde