Potch-student skuldig ná Swart Maandag-plasing

Phomolo Maoba. Foto: Via Facebook

ʼn Student aan die Noordwes-Universiteit (NWU) wat op Swart Maandag ʼn gewraakte inskrywing op Facebook gemaak het, is skuldig bevind nadat sy deur die universiteit aangekla is.

Louis Jacobs, woordvoerder van die universiteit, het gesê Phomolo Maoba is skuldig bevind op ‘n klag dat sy teen die waardes van die universiteit opgetree het. “Sy is permanent uit die instelling geskors, maar die skorsing is opgeskort vir die duur van haar studies. Sy is ook ‘n boete van R5 000 opgelê.”

Maroela Media het vroeër berig Maoba het op Swart Maandag, toe daar landwyd optogte gehou is teen misdaad en plaasmoorde, op Facebook geskryf: “Om swart te dra sal niks help nie, want julle sal vermoor word nes jul baas Terreblanche” (sic).

Talle sosialemediagebruikers het dié opmerking met verontwaardiging ontvang, dit as rassisties bestempel en van die NWU geëis om stappe te doen aangesien sy aan dié instelling se Potchefstroom-kampus studeer.

‘n Skermskoot van die uitlating.

Prof. Fika Janse van Rensburg, adjunkvisekanselier van die Potchefstroom-kampus van die NWU, het nadat die uitlatings aan die lig gekom het gesê die student is aangekla en dat die verhoor spoedig sal plaasvind.

Maoba het ook vroeër om verskoning gevra vir die plasing: “Swart Maandag-boere. Ek is so jammer vir elke ongeskikte kommentaar wat ek geplaas het. Dit is nie reg vir enigeen om dit te plaas nie. Ek is innig jammer.”

Die VF Plus het die Menseregtekommissie (MRK) versoek om ʼn klag van haatspraak teen Maoba te ondersoek. “Al het Moaba haar kommentaar van die blad verwyder en om verskoning gevra, is die skade reeds gedoen. Suid-Afrika is op ʼn mespunt wat rassepolarisasie betref en ons kan net eenvoudig nie meer sulke uitsprake aanvaar nie,” het hy gesê.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

89 Kommentare

jongste oudste gewildste
Karen

So, verstaan ek reg…? Die skorsing is opgeskort vir die duur van haar studies, so sy kan maar aanhou studeer, maw geen eintlike nagevolge nie…? Net ‘n klein boetetjie.

Wurmpie

Hoekom opgeskort terwyl sy studeer. Dit is nonsens. Skors haar nou dat sy kan voel. Nou kan sy klaar studeer. Nee

marous

Dit beteken niks. Sy moet gaan sit!

Andre

Sy is permanent geskors maar die vonnis is op geskort tot sy klaar is? Dit maak sin ne!!!

So?

So? Eintlik het daar niks gebeur want sy kan aanhou studeer.