Pravin Gordhan glo binnekort vervolg

Pravin Gordhan, minister van finansies, tydens sy begrotingsrede op 24 Februarie 2016 (Foto: GCIS)

Pravin Gordhan, minister van finansies, tydens sy begrotingsrede op 24 Februarie 2016 (Foto: GCIS)

Pravin Gordhan, minister van finansies, kan na bewering binnekort saam met agt ander mense vervolg word vir hul beweerde betrokkenheid by ʼn sogenaamde “rogue”-eenheid in die Suid-Afrikaanse Inkomstediens (SAID).

The Sunday Times berig dat betroubare bronne binne die Valke en die Nasionale Vervolgingsgesag (NVG) bevestig het dat die Valke ʼn dossier aan die NVG oorhandig het waarin die minister se betrokkenheid by die eenheid uiteengesit word. Ander mense wie se name ook glo in die dossier genoem word, is staatsaanklaer Gerrie Nel en voormalige SAID-hoof Johann van Loggerenberg.

Volgens die koerant wag die NVG nou op die “politieke groen lig” voordat hulle met die vervolging voortgaan.

Die sogenaamde rogue-eenheid is glo op die been gebring terwyl Gordhan SAID-kommissaris was om na bewering op belastingbetalers te spioeneer. Gordhan het vroeër in antwoord op vrae van die Valke oor die geheime eenheid gesê die eenheid is volgens sy kennis wetlik op die been gebring en binne die grense van die wet bedryf.

Gordhan het gesê die eenheid het uit 26 werknemers bestaan in sy tyd as SAID-kommissaris en was deel van die SAID se handhawingstrategie, “soos die meeste belasting- en doeane-administrateurs wêreldwyd ook doen”.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.

31 Kommentare

jongste oudste gewildste
PJ

zuma se instruksies

Ian

Gerre Nel? Ek laaik!

Frik van SA

Nog n voorbeeld hoe ons geagte president staatsstrukture gebruik om homself te bevoordeel. Kan nie wag om te sien hoe die finansiele markte gaan reageer indien hierdie heksejag voortgaan nie !

Rupert Ashford

Moet nie die ou Jakkals onderskat nie. Hy sal ondergaan “with guns blazing” as hy dan moet ondergaan. Daar is geen eer aan die man en sy gespuis nie.

John

‘n Heksejag. Mens wonder wie moet beskerm word. Ons land is nog nie bankrot genoeg nie. Hallo rommelhoop! Hi rotte en ‘pes’. Ek glo nie die ANC het al gehoor van die Peter Principle nie. Oupa Mogabe se land is ‘n goeie voorbeeld, maar ons is verrrr van daar. Dit sal nooit ooit as te nimmer hier gebeur nie. Ja, a, a. Miskien moet ek my paar rante vir US$’s inruil.