Premier: Geen borg vir ‘moordenaar’

Thandi Modise, premier van Noordwes, het gevra dat ʼn man wat daarvan beskuldig word dat hy sy 19-jarige meisie met ʼn baksteen doodgeslaan het, borg geweier word.

“Die vlaag van geweld teen vroue is kommerwekkend en dit is hoekom ons vra vir die strengste vonnis teen diegene wat dié misdade pleeg,” het Modise in ʼn verklaring gesê. Kapt. Pelonomi Makau, woordvoerder van die polisie, sê die 27-jarige man het reeds in die hof verskyn en sal weer Dinsdag verskyn. “Die beskuldigde het die slagoffer daarvan beskuldig dat sy ontrou was aan hom.” Die slagoffer is kort na die aanval in die hospitaal oorlede.