Premier kap terug oor masker by begrafnis

Refilwe Mtsweni-Tsipane, premier van Mpumalanga, waar sy sonder ‘n gesigmasker by die begrafnis gesien kan word. (Foto: Elmond Jiyane/GCIS)

Die premier van Mpumalanga, Refilwe Mtsweni-Tsipane, het Sondag verduidelik waarom sy “kortliks” sonder ʼn masker by die begrafnis van die minister in die presidensie, Jackson Mthembu, was.

Mthembu is die afgelope naweek tydens ʼn staatsbegrafnis in eMalahleni ter ruste gelê.

ʼn Herrie het egter losgebars nadat beeldmateriaal van Mtsweni-Tsipane – sonder ʼn gesigmasker by die begrafnis – versprei is. Die ontslape minister se begrafnis is op televisie uitgesaai.

“Nadat sy by die begraafplaas aangekom en uit haar voertuig geklim het, is die premier se masker op een of ander manier beskadig en sy het nie geweet dat dit geval het nie. Sy het gedink dit is steeds op die regte plek, soos deurentyd die geval was,” het haar kantoor Sondag in ʼn verklaring gesê.

“Die premier se assistente het vinnig na ʼn plaasvervangermasker vir die premier gesoek wat sy vir die res van die verrigtinge gebruik het.”

Mtsweni-Tsipane het ook die inwoners van Mpumalanga en die res van die land om verskoning gevra vir die “kortstondige oomblik” toe haar masker geval en sy onbewus was daarvan.

“Die premier het die noodsaak van voldoening aan Covid-19-regulasies benadruk en gaan voort om ʼn beroep op inwoners van Mpumalanga te doen om heeltyd maskers te dra, sosiale afstand te handhaaf en gereeld hande te was.”

Die minister van polisie, Bheki Cele, het intussen sy “kommer” oor Mtsweni-Tsipane se “beweerde gedrag” te kenne gegee toe sy “op nasionale televisie gesien is terwyl sy nie ʼn masker in die openbaar dra nie”.

Verskeie mense het die voorval boonop op verskeie platforms onder die polisieminister se aandag gebring.

“As Suid-Afrika hierdie onsigbare vyand van Covid-19 wil klop, kan ons eenvoudig nie ons waaksaamheid verslap nie. Dit is hoekom ek die nasionale polisiekommissaris, genl. Khehla Sitole, versoek het om die kwessie oor die premier te ondersoek.

“ʼn Ondersoek en die nodige stappe moet gedoen word,” het Cele gesê.

Die polisieminister het mense herinner dat die dra van ʼn masker in die openbaar verpligtend onder die aangepaste vlak 3-regulasies is. Enigiemand wat nie ʼn mondelinge opdrag deur ʼn wetstoepasser nakom om ʼn masker te dra nie, begaan ʼn oortreding en kan tydens skuldigbevinding ʼn boete of tronkstraf opgelê word.

Mtsweni-Tsipane het ook op sosiale media deurgeloop onder mense wat wou weet waarom sy nie aan die regulasies voldoen nie – asook hoekom sy nie soos ander gewone burgers strafregtelik daarvoor vervolg word nie.

Ramaphosa, wat self die begrafnis bygewoon het, het Suid-Afrikaners boonop al verskeie kere gemaan dat begrafnisse groot verspreiders van Covid-19 is.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

60 Kommentare

jongste oudste gewildste
Strandloper

Ne? Alnal is nie stupid nie!

AfghanBull

“Sy het nie geweet die masker het afgeval nie.”

Maar natuurlik! Sy is immers ANC – net nog bewys dat die spulletjie absoluut niks weet nie.

Lynette

As mena ‘n masker op jou gesig het…HOE OP AARDE kom mens ‘nie agter as dit beskadig word en AFVAL’ nie??

Geurt

Snaaks, ek kom onmiddelik agter as my masker nie op my gesig is nie. Jammer maar sy en haar spreekbuis praat nonses. Hulle onderskat ons intellegensie met so n antwoord!

Hannes

En dit is tot waar Bheki Cele se bevoegtheid strek, kyk wie dra ‘n masker of nie… Suid Afrika se misdaad is nie juis iets waaroor hy in die media wil praat nie.