President bring hulde aan Surtie-Richards

Shaleen Surtie-Richards.

“Ons het ʼn kunstenaar wie se kenmerkende energie, artistieke veelsydigheid en nederigheid generasies van Suid-Afrikaners vir langer as drie dekades aangeraak het, verloor.”

Volgens pres. Cyril Ramaphosa het Shaleen Surtie-Richards (66) ʼn huishoudelike naam geword en hy het sy medelye met haar familie, vriende en kollegas betuig.

“Op die verhoog en die skerm het Surtie-Richards ʼn spieël gehou vir ons onregverdige verlede en ons hoop gegee vir ons toekoms as nasie. Mag haar siel in vrede rus.”

Surtie-Richards is Maandag in Kaapstad dood waar sy tuisgegaan het terwyl sy aan die televisiereeks Arendsvlei gewerk het.

Surtie-Richards was bekend vir haar vertolking in die rol van Nenna in die destydse M-Net-sepie Egoli en Fiela Komoetie in die oorspronklike rolprentweergawe van Fiela se kind.

Die parlementêre portefeuljekomitee oor sport en kuns en kultuur het ook sy medelye met Surtie-Richards se familie en vriende, asook die vermaakbedryf betuig.

Beauty Dlulane, voorsitter van die komitee, het gesê Surtie-Richards se dood is ʼn groot slag wat op die verkeerde tyd plaasgevind het. “Sy is ʼn legende wat oor die jare soveel gegee het deur haar loopbaan en so min terugverwag het.”

Alistair Izobell, kunstenaar en vervaardiger, asook woordvoerder vir Surtie-Richards se familie, het vroeër gesê die “nasie word bedank” vir hul medelye ná die geliefde aktrise se dood.

“Dit is algemene kennis dat sy aan diabetes en hartkwale gely het. Haar dood kan dalk hieraan toegeskryf word, maar die familie wag vir die nadoodse ondersoek om die oorsaak daarvan te bepaal. Daar is verskeie gerugte oor die oorsaak van haar dood en daarom wil ons benadruk dat Surtie-Richards nié haar eie lewe geneem het nie.”

Surtie-Richards se werk het verlede jaar deel geword van die Suid-Afrikaanse Legendes-museum. Sy het in haar loopbaan as aktrise meer as 40 gesogte toekennings ingeoes, waaronder die Fleur du Cap-toekenning vir haar rol in die teaterverwerking van Shirley Valentine.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

16 Kommentare

MakersMark ·

Soos gewoonlik sal die ANC en Ramaphosa weer na die onregverdige verlede verwys by ‘n gebeurtenis wat niks daarmee uit te waai het nie. Wanneer verwys hy na die 27 jr waar sy party in beheer was en die absolute gemors waarin dit SA huidiglik geplaas het?

Cherokee ·

…en wanneer verwys hy na die tyd waarin die anc via umkhonto we sizwe onskuldige mense vermoor het met stasie- en winkelbomme.

Snowball ·

Selfs met die dood van iemand vir wie wit en swart lief was kan ou Cyril nie die kans laat verbygaan om wittes se verskriklike dade op te bring nie….nes die skape in Animal Farm – “Two legs bad four legs good’ en so kap die ou dieselfde ou rympie, Blacks good, Whites bad, tot vervelens toe. Die geskiedenisboeke gaan jou en die ANC ook so onthou, die manne wat mense van lopende krane af gekry het om weer water aan te dra en in skottels te bad en van elektrisiteit af, weer terug tot by die kers..
The more things change the more they stay the same…

JM ·

Ag regtig! Pres. Cyril Ramaphosa kan maar nie ophou om “die onregverdigheid van die verlede” aan te haal nie. Hy kan nie ‘n enkele kommentaar lewer sonder om die “blame game” te gebruik nie.

Jan Seerot ·

“Wag, laat ek net so ‘n stekie met die rassisdolk gee, net om die dag so bietjie soeter te maak en die vervlakste wittes te verpes. Ons moet die wond aanhou krap sodat hy aanhou bloei.”

Jy kan jouself nie help nie.

MakersMark ·

En die afgelope klomp jaar se verval het plaasgevind waar hy vise predident of president was. En as dit op die lappe kom is al wat hy uitkry “I am shocked”…..asof hy genuine niks geweet het van staatskaping, Eskom en SAA se gemors.

Ovelia ·

Eff waar is jou rasse haat? Ons is ALMAL LIEF vr haar. Ons sal haar verseker mis. Daai ou glimlaggie altyd

DIABLO ·

Noem asseblief vir my een optrede wat jy gesien het van haar, meneer die president van twak praat!! Bly eerder stil. Sy was n legend. Jou lee woorde doen net skade

Di ·

Ag asb Ramaphosa! jou gesanik oor appartheid raak nou regtig afgesaag. Dis ‘n wonder die blankes word nie hier ook blameer vir haar dood nie. Rus in vrede, jy sal altyd onthou word as ‘n liefdevolle, sprankelende mens.

Irma ·

Jan Seerot, mense het aanbeweeg, net sekeres krap nog, geniet julle krap. Sy was aller rasse se geliefde aktrise, myne insluitend

Jan Seerot ·

Geagte Irma, ek wil my verstout om jou te antwoord (en al die ander mense wat negatiewe kommentaar gelewer oor my boodskap. Tensy jy natuurlik die president ter wille is).

Wat ek te sê gehad het, was duidelik in aanhalingstekens geplaas. Dit het gedui op wat ek sou reken die president se denke was toe hy ras ingesleep het in sy huldeblyk.

My oupa se hond en syne het nie aas saam weggesleep nie.

Surfer ·

Dink nie eers die oulike president het ooit die kanale gekyk waar sy opgetree het nie, nou maak hy n stelling, shame on you liar.

Tersia ·

Shaleen het self eenkeer op ‘n televisieprogram gese dat sy hard gewerk het in haar lewe om te kom waar sy gekom het en dat sy dit haat wanneer mense apartheid blameer vir hulle mislukkings. Ek dink nie sy sou ons President se boodskap waardeer het nie.

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.