Die Zimbabwiese minister van verdediging Oppah Muchinguri-Kashiri en Nosiviwe Mapisa-Nqakula (Foto: Tawanda Mudimu/The Herald)
Pres. Cyril Ramaphosa het opdrag gegee dat Nosiviwe Mapisa-Nqakula, die minister van verdediging en militêre verdediging, se verslae oor ʼn onlangse besoek aan Zimbabwe bekendgemaak moet word.
Tyrone Seale, waarnemende woordvoerder van die presidensie, het gesê die president maak dié verslae bekend as deel van sy toewyding tot deursigtigheid.
Mapisa-Nqakula het Zimbabwe op 8 September 2020 besoek as deel van haar amptelike verpligtinge. Die minister het op ʼn vliegtuig van die Suid-Afrikaanse Lugmag gereis, maar ʼn afvaardiging van die ANC het ook dié reis meegemaak.
Ramaphosa het Mapisa-Nqakula intussen formeel tereg gewys en haar salaris vanaf 1 November 2020 vir drie maande opgeskort. Haar salaris sal oorbetaal word aan die regering se Solidarity Fund, wat opgerig is om die land se reaksie op Covid-19 te ondersteun.
Die president het haar ook opdrag gegee om seker te maak die ANC vergoed die staat vir enige bykomende uitgawes wat aangegaan is vir die vlug na Harare.
“Die president het dié stappe gedoen ná hy die minister se aanvanklike verslag en daarna ʼn bykomende verslag bestudeer het,” het Seale bygevoeg. Die president het bevind sy het ʼn oordeelsfout begaan.
Is dit huh Cyril? Weet jy ooit wat die groot woorde beteken? “Toewyding tot deursigtigheid” en weet jy, julle oordeelsfoute raak te veel ok! Skors met volle salaris natuurlik en ons moet betaal aikona nee hamba khaye, want sien ons IK is bietjie hoër as die normale mens en ons gaan dit op ‘n manier terug betaal. Julle leuens en leë beloftes is fisies wat dit is of het jy dolosse gaan raadpleeg of tannie kopdoek se iets gerook? Dis tyd dat ANC tsek en gou ook! Sit hulle in oranje pakkies en laat hulle elke sent terug betaal ok
Wil julle nou wragtag hê ek moet ń maagspier trek van die lag. Eerstens is daar nie ń verslag nie want dit was ń joyride vir ń trip. Tweedens is die soganaamde Solidarity Fund reeds gestroop. Derdens AS daar ń verslag is, is enigsins betekenisvol.
Elke passasier wat meegemaak met die vlug moet betaal.
Daardie eerste verslag is darem regtig pateties verby. Wat beteken die HE in die opskrif van die verslae? Staan dit vir his excellency en indien wel, waar kom dit vandaan? n Kader titel of erfstuk van idi amin?
Paragraaf 1 begin sommer met totale wanorde. Die minister van verdediging en militêre verdediging…. (moet militêre veterane wees).