Pretoriase egpaar dood aangetref

Argieffoto: SAPD

ʼn Man en vrou is Maandagoggend met skietwonde aan die bolyf in hul woning op ʼn veiligheidslandgoed in die noorde van Pretoria aangetref.

Robert en Jacqueline Mokoba se liggame is omstreeks 10:00 in hul huis in die Magaliesberg Country Estate gekry, sê lt.kol. Lungelo Dlamini, Gautengse polisiewoordvoerder.

Volgens Dlamini het bure skote gehoor en die polisie ontbied. Die vuurwapen wat na bewering tydens die moord gebruik is, ʼn 9 mm-pistool, is op die toneel gekry. Dit het glo aan een van die oorledenes behoort. Daar was geen tekens van ʼn inbraak by die woning nie.

Die polisie ondersoek ʼn moord. Geen verdere inligting is in dié stadium bekend nie.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Een kommentaar

liefie ·

Ag tog, was daar na ‘n ander uitweg nie,? = hoe dit ookal gebeur het.

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.