Prof. TT Cloete aan natuurlike oorsake oorlede

Prof. TT Cloete. Foto: Facebook

Prof. TT Cloete. Foto: Facebook

Die bekroonde digter prof. TT Cloete is Woensdagoggend, kort ná sy 91ste verjaardag op 31 Mei, aan natuurlike oorsake in ʼn private hospitaal in Potchefstroom oorlede.

Cloete was vir lank verbonde aan die Noordwes-Universiteit (NWU) se Potchefstroom-kampus se Skool vir Tale en Skryfkuns.

Johan van Zyl, woordvoerder van die NWU, het aan Maroela Media gesê Cloete is Sondag in die hospitaal met griepsimptome opgeneem. “Sy toestand het verswak weens sy hoë ouderdom en hy is vanoggend aan natuurlike oorsake oorlede,” het hy gesê. “Sy familie was by hom.”

TT Cloete is onteenseglik een van die merkwaardige figure op die Afrikaanse literêre toneel. Hy is literator, kritikus, digter, dramaturg, prosaskrywer en psalmverwerker.

Inligting oor sy gedenkdiens sal gedeel word sodra reëlings getref is.

Lees alle vorige berigte oor TT Cloete op Maroela Media.

 

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

2 Kommentare

Eliza-beth ·

‘n WONDERLIKE mens en digter; groot verlies vir Agfrikaans. Vrede, aanvaarding en sterkte vir sy familie.

Danie ·

Hy was ‘n kolos gewees.Onthou nog goed 1973 aan PUK. Afrikaans-Nederlands I by hom gekry.

Het jy iets op die hart? Maroela Media se kommentaarfunksie is ongelukkig gesluit oor die Paasnaweek. Kom kuier gerus later weer!

Nuuswenke kan deur hierdie vorm gestuur word.