(Argieffoto)
ʼn Voormalige prokureur het Maandag in die Port Elizabethse streekhof verskyn op aanklag van diefstal. Hy word daarvan beskuldig dat hy R261 000 van ʼn kliënt se boedel, wat hy as eksekuteur hanteer het, gesteel het.
Lt.kol. Philani Nkwalase, woordvoerder van die Valke, sê die prokureur, Gavin du Plessis (48), was slegs geregtig op ʼn fooi van R 60 000 vir die diens wat hy in Junie 2008 as eksekuteur gelewer het.
“Die ondersoek wys egter dat Du Plessis ʼn totaal van R320 000 van die kliënt se boedelrekening na sy eie persoonlike bankrekening oorbetaal het,” sê Nkwalase.
Toe die begunstigdes nie die boedelgeld ontvang het nie, het hulle dit aan die Valke in Port Elizabeth rapporteer.
Nkwalase sê Du Plessis is in 2009 van die prokureursrol geskrap.
Du Plessis het skuldig gepleit op die aanklag van diefstal. Hy sal op 29 Julie vanjaar gevonnis word.
4 jaar se harde leer, 2 jaar se praktiese beroepsopleiding (voorheen bekend as artikels) en 4 baie moeilike raadseksamens – net om dit als weg te gooi omdat jy gulsig is…
Ek kan nie verstaan hoe werk mense se verstand nie.
Dis nou regtig ‘n mors. Ek is seker die prokureur kon darem goeie geld maak deur eerlik te wees. Nou vir 60k sy hele lewe opmors.
Gierigheid was al baie regsgeleerdes se ondergang.
Volgens wetgewing was hy geregtig op 3,5 % eksekuteursfooi, benoude katte maak benoude spronge, mag hy swaar gestraf word aangesien hy die beroep oneer aanbring.
Dis reg – en dis voor belasting! Dis basies geld vir jou handtekening en papierwerk en ‘n halwe dag by die aktekantore (wat die artikels klerk in elk geval vir jou doen). Hoe gulsig kan mens dan wees…?
Shame on you. No better than this circus; i see.
Dieselfde het met my pa se boedel gebeur. My ma het dit egter eers uitgevind na die prokureur se afsterwe. Gelukkig is die geld aan haar terugbetaal.