Prokureur wat glo bedrieg weer in hof

Corné Ackerman. (Foto: Verskaf)

Die prokureur wat glo miljoene van sy regsfirma gesteel het, is op borgtog vrygelaat.

Corné Ackerman (45) het Woensdag in die landdroshof in Bethlehem in die Vrystaat verskyn en is op borgtog van R25 000 vrygelaat. Maroela Media het vroeër berig Ackerman staan tereg op 40 aanklagte van bedrog nadat hy glo meer as R16 miljoen gesteel het. “Hy word daarvan beskuldig dat hy tussen Januarie en Junie 2019 geld uit die regsfirma se trust- en beleggingsrekening oorbetaal het na verskeie onbekende begunstigdes. Toe hy daaroor gekonfronteer is, kon hy glo nie rekenskap gee vir die transaksies nie,” het ao. Lynda Steyn, woordvoerder van die direktoraat vir prioriteitsmisdaadondersoeke (die Valke), gesê.

Hy sal weer op 18 Mei in die hof verskyn.

 

 

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

3 Kommentare

Scalla ·

Hy betaal sy borg van R25000 met n smile en gaan dan verdwyn met die R15975000. Winsgewende bedryf.

Belinda ·

Dit kan jy weer sê!!!! Ek weet van 2 gevalle en as hulle uitgeloop word, word hul treurige dames in die rekeninge afdeling skuld gegee, die dames is eerlike goeie inteligente mense en vat maar die pak, dit is immers hul brood en botter, dit nog terwyl hul altyd die laagste salarisse betaal word. Baie oningeligte mense of mense wat nie die regsaspekte ken of verstaan nie, word lekker ingeloop. Ek ken egter ook baie goeie eerlike prokureurs wat werklik vir mense omgee en sal help sover hul kan.

Het jy iets op die hart? Maroela Media se kommentaarfunksie is ongelukkig gesluit oor die Paasnaweek. Kom kuier gerus later weer!

Nuuswenke kan deur hierdie vorm gestuur word.