PSA waarsku oor ‘drastiese stappe’ in loononderhandelings

geld-munte-kleingeld

Foto: Negative Space/Pexels.com

Die staatsdiensvakbond PSA het Vrydag sy lede gemaan om “drastiese stappe” te doen om die regering te dwing om loononderhandelings vir dié jaar af te handel.

Dit kom nadat die regering vroeër vandeesweek ontken het dat hy doelbewus loononderhandelings vir staatswerkers vertraag.

Ivan Fredericks, algemene bestuurder van die PSA, sê die organisasie sou verkies dat die loononderhandelings van aangesig tot aangesig kon plaasvind in plaas van die fasiliteringsproses wat die regering klaarblyklik verkies.

Hy sê die onderhandelingsproses het tot dusver geen vrugte afgewerp nie omdat die partye nog nie tot ʼn gesamentlike besluit oor lone kon kom nie.

Fredericks sê die organisasie sal nou die pad vorentoe in ʼn arbeidshoofdevergadering bespreek. “Die PSA waarsku sy lede om voorbereid te wees op onvermydelike,” het hy gesê.

Die PSA verteenwoordig meer as 230 000 staatswerkers.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.

2 Kommentare

jongste oudste gewildste
Sp

Vir die hope papierwerk, regulasies, instruksies en burokratiese rompslomp verdien staatsamptenare ñ verhoging.
Salarisse hou nie tred met die jare se inflasie en verhogings.

Basjan

Los die PSA en suit by SOLIDARITEIT aan. Dit lyk my die PSA is te “sag” tydens onderhandelings.