Pta-bejaarde helder oordag in huis beroof

Argieffoto

ʼn Bejaarde vrou van Centurion is Dinsdag helder oordag by haar huis deur twee mans oorval en beroof.

Konst. Mandlakayise Zwane, polisiewoordvoerder, het aan Maroela Media gesê die 79-jarige vrou was omstreeks 11:30 alleen by haar huis in Stymiestraat in Clubview toe sy opgemerk het daar is ʼn onbekende wit voertuig in haar erf geparkeer.

“Toe sy gaan ondersoek instel, het sy die twee mans reeds in die huis aangetref. Die verdagtes het haar gedwing om plat te lê en het haar kop met ʼn duvet bedek.”

Die verdagtes het die huis geplunder en onder meer met ʼn skootrekenaar, ʼn Nokia-selfoon, ʼn platskermtelevisiestel en R1 000 kontant gevlug. Die geskatte waarde van die gesteelde goedere is R50 000.

Die Wierdabrug-polisie ondersoek ʼn saak van huisroof.

Die polisie doen ʼn beroep op enigiemand met meer inligting oor die voorval of wat ʼn verdagte voertuig in die omgewing opmerk, om die polisie by 012 685 0008 of 08600 10111 te bel.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.

16 Kommentare

jongste oudste gewildste
Ramkat

Lafaard op n sage teiken gemik

Callie

As daar moeite gedoen word om hulle te vang sal die straf ligter wees vir hulle as vir die dame wat polisie geskel het. Hulle sal nie gevang word nie maar asb moet nie daaroor gefrustreerd raak en hulle name noem nie

Elsa

as Polisie sigbaar is het hul eie inligting…dit is moontlik want baie oud Polisielede sal wil help natuurlik met n salaris….tyd ons lsnd kyk na die opsie sodat korrupsie uitgeroei word

Trevor

Mens weet dit gaan sleg in n land wanneer mens dink en sê “bly tannie is nie verkrag en vermoor nie”

R. KRUS

In my nederige opinie is wat ons in SA beleef veel erger as blote misdaad. Dit begin oorhel na geweldadige plundering. In die geskiedenis van ons land, en ook die wêreld, volg die grootskaalse plundering nadat ‘n volk verslaan is. Dit gaan gepaard met al die gruwels waarvan ons elke dag in die nuus lees, soos verkragtings en verminkings van die bejaardes, vroue en kinders van die oorwonne volk. Wat ons ervaar is ‘n kruipende plundering wat vir eers gefokus is op weerlose teikens. Dit sál weldra eskaleer en tot so ‘n mate dat huise helder oordag geplunder sal word… Lees meer »