Pta-bejaarde sterf ná aanval by huis

Die toneel in 12de Laan waar Corrie Visser en sy vrou Gerrie aangeval is (Foto aan Maroela Media verskaf deur die SAPD)

Die toneel in 12de Laan waar Corrie Visser en sy vrou Gerrie aangeval is (Foto aan Maroela Media verskaf deur die SAPD)

Corrie Visser (75) is oorlede en sy vrou Gerrie (78) in ʼn stabiele toestand in die hospitaal nadat hulle vandeesweek by hul huis in 12de Laan in Pretoria se Moot-gebied aangeval is.

Kapt. Coba Brits, woordvoerder van die polisie, het Woensdag aan Maroela Media gesê dit is nog nie duidelik wanneer presies die egpaar aangeval is nie. “Bure het Gerrie die Woensdag om 14:00 in die oprit van die huis opgemerk,” het sy gesê.

Volgens Brits is dit nog nie duidelik hoe die aanvaller toegang tot die huis bekom het nie, want daar is geen geforseerde toegang nie.

“Die egpaar was alleen by die huis toe hulle oorval is. Hulle het albei steekwonde opgedoen en Corrie is ook met ʼn stomp voorwerp oor die kop geslaan,” het Brits verduidelik. Corrie is op die toneel dood verklaar. “Gerrie is in die hospitaal, maar kan nog nie praat ná die aanval nie.”

“Die motief vir die aanval is nog nie bekend nie, en ons kon nog nie tot dusver bepaal of enigiets uit die huis gesteel is nie.”

Die Pretoria-Mootspeurtak ondersoek ʼn saak van moord en poging tot moord.

“Enigiemand met verdere inligting kan ao Hoffmann kontak by 083 650 0820.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

22 Kommentare

jongste oudste gewildste
Buitestander

Wat ‘n tragedie. Seker as tuinier vir hulle gewerk.

cecelia

Watter soort mens kan ‘n ander onskuldige mens net so vermoor?

Dion Els

Gaan seker weer grens aan rassisme vir daardie wat heeldag op sosiale media le om sulke boodskappe te soek en dan n berg van n molshoop te maak. Om in die nuwe sa te woon as blanke is waaghalsig

Ilze

My man was op die toneel gister was nie mooi gesig. Jammer aan die familie vir julle verlies

Ww

Is daar ‘n organisasie wat al die moorde sowel, alle aanvalle en wat die beserings behels vir die afgelope jaar of selfs jare op Facebook Twitter ens. Kan laai sodat ons kan besef wat die omvang hiervan is en dat die opsomming die wêreld in gestuur kan word. Baie mense ken mense oorsee.