Kapt. Rheineth Motlana, woordvoerder van die polisie, het aan Maroela Media gesê een van die bure het skote uit die huis in Mainstraat hoor kom en die polisie ontbied. Die liggame van ʼn man en sy vrou is in die huis aangetref, albei met ʼn koeëlwond in die bors.
Athlenda Mathe, woordvoerder van Netcare 911, het gesê paramedici is net ná 18:00 na die huis ontbied. Daar was niks wat hulle vir die egpaar kon doen nie en hulle is op die toneel dood verklaar.
Motlana kon nie bevestig of daar enige tekens van inbraak by die huis was en of enigiets uit die huis gesteel is nie. Sy kon ook nie die egpaar se name bevestig nie. Sy het wel gesê twee sake van moord word ondersoek.
Glo het die man sy vrou geskiet en toe homself.
Dankie solank, laat ons maar sien hoe feite ontvou…
Dankie Pienkie, nou weet Ons bietjie meer Wat dalk kon gebeur het. Ekwilibrium, as Ons vir formele verklarings wag sal Ons nooit weet nie.
Dit is jammer dat sulke dinge gebeur in die tyd. Alle mee gevoel en sterkte aan die familie ons bid vir julle
Maak nie saakw at gebeur het nie, dit is soooo onnodig en sad.