Pta-inwoners in huis vermoor

Argieffoto: Kent Williamson

Argieffoto: Kent Williamson

Twee inwoners is dood en drie beseer in ʼn vermeende huisroof in die vroeë oggendure in Garsfontein in die ooste van Pretoria.

Maroela Media het verneem die polisie en ander rolspelers is omstreeks 00:30 na ʼn huis in Miasstraat ontbied. ʼn Onbekende hoeveelheid verdagtes het glo vroeër die aand op die inwoners toegeslaan en onder meer op bankkaarte aangedring om geld te onttrek.

Chris Botha, woordvoerder van Netcare 911, het gesê paramedici het op ʼn oproep gereageer dat vyf mense in die huis aangeval, vasgebind, aangerand en met skerp voorwerpe gesteek is.

“Paramedici het by hul aankoms op die toneel die mense ondersoek. Twee vroue was reeds dood en een in ʼn kritieke toestand. ʼn Man is ernstig beseer en nog ʼn vrou het geringe beserings opgedoen. Die beseerdes is op die toneel gestabiliseer en na ʼn nabygeleë hospitaal geneem vir verdere behandeling.” Botha kon nie dadelik die slagoffers se ouderdomme bevestig nie.

Salmon Swart, uitvoerende hoof van die veiligheidsmaatskappy Accon Solutions, het die voorval aan Maroela Media bevestig. “Die ondersoek is in ʼn sensitiewe stadium en ons kan nie te veel inligting in dié stadium bekend maak nie. Ons kan wel bevestig dat twee vroue dood is, ʼn man en nog ʼn vrou is beseer en ʼn tienermeisie het nie baie seergekry nie. Die polisie is op die toneel en stel ondersoek in.”

Hy het bygevoeg daar kan nie met sekerheid gesê word of enigiets uit die huis vermis word nie, maar wel dat die slagoffers se wit Polo vermis word.

Maroela Media het navraag by die Garsfontein-polisie gedoen en wag vir terugvoer.

Lees ook: [OPVOLG] Drie verdagtes gesoek ná moord in Pta-huis

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

101 Kommentare

jongste oudste gewildste
frederik

Absolute nagmerrie. Sou die berig feitlik wees ontstaan daar sommer direk baie vrae. Sekere feite tel nie op nie. Meegevoel met hierdie huishouding.

Irene

Seker nuwe job in

Erg bekommerd

Binne een week is ons eens rustige woonbuurt 2 keer in die nuus. Die eerste was omrede die plaaslike Garsfontein SAPS ‘n sluiper wat maande lank die woonbuurt teister vry gelaat het , en nou? Laat mens net wonder. Die sluiper het huise besoek en inligting ingewin om aan kriminele elemente te verkoop. En kyk nou liewe SAPS. Maak my briesend.

linda

Jakaranda op die radio se dis ‘n bloedbad!

baie hartseer stertkte aan die familie

Ek kan nie help om te wonder of die net ‘n gewone “roof” was tyd sal leer

AL

My hart breek vir die slagoffers!
Ons is keelvol vir hierdie sinnelose geweld!
Moord en geweldsmisdaad het n nasionale sport geword in SA!
Die ANC is meer behep om vure dood te slaan met onbevoegdheid en is so gefokus op 2019, dat die landsburgers nie in ag geneem word nie.