Pta-ma deur vloedwater meegesleur

Nooddienswerkers by die wrak van die motor in die Apiesrivier. Foto: Verskaf

Nooddienswerkers by die wrak van die motor in die Apiesrivier. Foto: Verskaf

Die Tshwane-nooddienste is op soek na ʼn vrou wie se motor Vrydag in die vroeë oggendure deur vloedwater in Pretoria meegesleur is.

Johan Pieterse, woordvoerder van nooddienste, het aan Maroela Media gesê die vrou en haar 23-jarige seun was in die motor, ʼn wit Nissan Skyline, toe dit omstreeks 03:00 in vloedwater van die Apiesrivier by die laagwaterbrug in Flowersstraat, Capital Park, in Pretoria se Moot-gebied, beland het.

“Die seun kon daarin slaag om uit die motor en vloedwater te kom, maar sy ma is saam met die voertuig in die rivier meegesleur,” het Pieterse gesê.

ʼn Soek-en-reddingsoperasie is van stapel gestuur. Nooddienswerkers het omstreeks 09:00 die motor opgespoor, maar die voertuig was leeg en daar was geen teken van die vrou nie.

“Die soektog duur voort. Die proses word egter deur swaar reënval en vuil water bemoeilik.”

Die vrou se identiteit en ouderdom kon nie dadelik bevestig word nie. Die vrou is vermoedelik ʼn inwoner van Mountain View. Haar seun is by die huis en die gesin word deur die polisie bygestaan.

Die Suid-Afrikaanse weerdiens het Vrydag gesê verdere storms, waarvan sommige ernstig kan wees, sal na verwagting die middag oor die provinsie vorm. Die storms kan gepaardgaan met swaar reën, hael, kitsvloede en stormsterkte wind.

Pieterse het motoriste gewaarsku om glad nie van paaie gebruik te maak waarvan die padoppervlak nie sigbaar is nie. “Net 60 cm vloedwater is genoeg om voertuie, selfs bakkies, mee te sleur. Hou kop, vermy paaie en vloedwater en maak eerder gebruik van alternatiewe roetes.”

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

60 Kommentare

jongste oudste gewildste
Vivian

My hart sommer seer vir julle. Baie sterkte.

My tweesent bydrae

Ai tog . So jammer . Sterkte aan die betrokkenes .

Leonie

Ai dis hartseer. Sterkte vir die familie. Ek hoop hule kry haar spoedig en ook die 3 jarige dogterjie wat met die Jukskei Rivier meegesleep is.

charlene

Is daar al `n opvolg hier, het hulle die vrou al gekry? Hoe oud is die kind??? Daai brug is al gelig en mens kan jou so maklik misgus oor hoe diep daai water oor die brug is. En vrou alleen daai tyd in daai area, jy gaan nie stop en kyk of iets nie. Jy gaan so gou moontlik probeer uit die reen kom. Stekte aan die familie en Maroela as julle enige update kry sal julle asb laat weet.

Buitestander

Innige meegevoel met naasbestandes.

Ja, as jy nie wil luister nie moet jy die gevolge dra!!!

Word wakker mense en luister na waarskuwings. Spyt is ‘n baie goeie ding maar kom altyd, altyd te LAAT!!!