Pta-man in Limpopo vermis

Gerrie Kachelhoffer en sy vrou, Yvonne. Foto: Verskaf

Gerrie Kachelhoffer en sy vrou, Yvonne. Foto: Verskaf

OPVOLG: Vermiste Pta-man gevind

ʼn Beloning van R50 000 is uitgeloof om Gerrie Kachelhoffer (41), ʼn toesighouer en pa van twee dogters van Pretoria, te probeer opspoor.

Kachelhoffer het Maandagmiddag in verdagte omstandighede in Limpopo verdwyn.

Dean Greyling, Kachelhoffer se swaer, het Dinsdag aan Maroela Media gesê Kachelhoffer werk vir sy onderneming, Mowana Construction and Installations, wat kontrakherstelwerk by Engen-vulstasies oor die hele Limpopo doen.

Kachelhoffer, wat in Silverton in Pretoria woon, het Maandag omstreeks 09:00 na ʼn werkperseel in die Lebowa-omgewing, suid van Polokwane (Pietersburg), gery.

“Hy het die oggend oudergewoonte R4 000 se kleinkasgeld getrek waarmee hy boumateriaal sou koop. Ons werk gereeld met kontant omdat die plekke in die gebiede waar ons werk, nie altyd kaartgeriewe het om boumateriaal mee aan te koop nie,” het Greyling verduidelik.

Kachelhoffer het omstreeks 12:00 by die perseel in Lebowa gestop om sy groep werkers daar af te laai. Hy is die laaste keer gesien toe hy die perseel verlaat het om boumateriaal te gaan koop.

“Sy werkers het my omstreeks 17:00 gebel en gesê dat hy nooit weer teruggekeer het nie. Ons het toe die bakkie met behulp van die opsporingstoestel verlate op die Chuniespoort-bergpas gevind.”

Die bakkie is omstreeks 10 km van die perseel af opgespoor. Greyling het gesê die opsporingstoestel dui aan dat die bakkie omstreeks 12:30 daar stilgehou het.

Kachelhoffer se oornagklere en selfoon was nog in die bakkie. Daar was egter geen spoor van Kachelhoffer nie. Sy beursie met die kontant word ook vermis.

Greyling het reeds ʼn vermistepersoon-saak by die polisie aanhangig gemaak. Hy het gesê die polisie, spoorsnyers en polisie se honde-eenheid gaan Dinsdag die bergagtige gebied waar die bakkie opgespoor is, deursoek vir tekens van Kachelhoffer.

Kachelhoffer is 1,9 m lank en het blonde hare. Hy het waterpokkieletsels op sy voorkop. Die klere wat hy aangehad het, was ʼn blou oorpak met wit glimstrepe. Hy is getroud en het twee tienerdogters.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

35 Kommentare

jongste oudste gewildste
Leon Pit

Ai ou Gerrie hoop jy is veilig ek is ook in die konstruksie bedryf en dis waar ons loop altyd met kontant vir materiaal en dis gevaarlik was ook eendag beroof naby Brits al my gereedskap gesteel het net met my onderbroek langs die pad gestaan. Sterkte aan jou familie ons bid dat jy ongedeerd gevind sal word.

Lee

Dis verskriklik. Hoop hulle kry hom spoedig. Kan net dink hoe sy vrou en kinders moet voel. Crime in ons land ruk hand uit. Sterkte en ons sal almal bid vir sy veiligheid!

Theuns

Wie het almal geweet dat hy soveel geld by hom het? Hier is die leidraad: “Deon Greyling se dit is ‘n gereelde ding wat Kachelhoffer kontant trek om aankope mee te betaal.” Iemand in die maatskappy het geweet en sy tjommies laat weet. Konfiskeer al sy werkers se selfone en kyk wat se boodskappe is gestuur en ontvang. Ek glo nie Kachelhoffer sal die pad vat met net R4000 nie?

Rozanne

Ek hoop hy is veilig! Bid vir sy familie, baie sterkte!

E

Shoe! Yvonne baie sterkte vir jou en jou 2 dogters.Dit is vreeslik!
Wat gaan aan deesdae dat die mense so vermis raak?
Eers die boere en nou dit. Ruik vir my na volksmoord, of is ek verkeerd?
Is daar iemand wat meer weet, en vir ons kan sê hoekom hierdie dinge gebeur??