Pta-man vas na hy ‘inbreker’ doodskiet

Opvolg:
Klag laat vaar teen man wat ‘inbreker’ doodskiet

Argieffoto (Foto: imgkid.com)

Argieffoto (Foto: imgkid.com)

ʼn Man is Vrydag by sy huis in Pretoria in hegtenis geneem, nadat hy ʼn gewapende man doodgeskiet het wat by sy huis wou inbreek.

Konst. Tumisang Moloto, woordvoerder van die Erasmia-polisie, het aan Maroela Media gesê twee verdagtes wou na bewering omstreeks 04:00 by die man se huis in Senoritastraat in Erasmia, Centurion, inbreek.

“Die verdagtes het toegang tot erf gekry en was besig om die veiligheidshek by die voordeur oop te breek, toe die huiseienaar hulle gehoor het. Hy het skote gevuur en een van hulle noodlottig gewond,” het Moloto gesê.

Die ander verdagte het weggehardloop.

Die polisie het die verdagte buite die huis in ʼn plas bloed gevind. ʼn Flitslig en ʼn mes het langs sy liggaam gelê. Die polisie het daarop beslag gelê.

“Weens standaardprosedure is die man in hegtenis geneem op aanklag van moord en beslag is gelê op sy vuurwapen.”

Die Erasmia-polisie ondersoek die voorval en het ʼn soektog van stapel gestuur na die tweede verdagte.

Yusuf Abramjee, gemeenskapsaktivis en internasionale direkteur van kommunikasie by Crime Stoppers International (CSI), het gesê die verdagte wat geskiet is, kan verbind word met ʼn reeks voorvalle in die omgewing.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.

83 Kommentare

jongste oudste gewildste
Heinrich

Dis so verkeerd dat ons nie ons besittings en geliefdes mag beskerm teen hierdie gemors nie. Die inbreker het niks daar verloor nie; hy het gekry wat hom toekom. Baie sterkte aan die slagoffer wat geforseer was om sy geliefdes te beskerm!

Kaspaas

Absoluut belaglik. Dit is verseker nie standaard prosedure nie. Om op die wapen beslag te le ja maar nie om te arresteer nie. Weereens n geval van die misdadigers het meer regte as die “Victims”

REESE

Ek kan nie glo nie, die gesin het reeds geskrik om so iets te beleef, dink net waarheen gaan hulle nou. Sterkte aan sy familie.

TK

Ek verstaan nie dat die man gearisteer is nie. As hy nie die boef geskiet het nie was hy sekerlik dood vanoggend en die boewe soek…. hoe werk ons regstelsel? Jy mag nie eers jouself beskerm nie. Dis hartseer om te dink inbrekers kan roof en moor hulle gaan tog nie gevang word nie maar ons kan nie onsself of ons gesinne beskerm nie want dan is dit moord.

Brittz

Dit is bull wat soek hulle op jou perseel,as hulle jou doodmaak kon hulle weg met alles