Pta-pa voor gesin op kleinhoewe vermoor

Johann Heunis en sy vrou, Mariandra. Foto: Facebook

Johann Heunis en sy vrou, Mariandra. Foto: Facebook

ʼn Pa van Pretoria, Johann Heunis, is oor die naweek op ʼn kleinhoewe buite die stad voor sy swanger vrou en drie dogtertjies vir ʼn selfoon doodgeskiet.

Ao. Johan van Dyk, polisiewoordvoerder, het Maandag aan Maroela Media gesê twee gewapende mans het die gesin Saterdag in die vroeë oggendure in hul huis op die Leeufontein-kleinhoewes in Kameeldrift, noordoos van die stad, oorval.

“Die gesin het voor die televisie aan die slaap geraak en is daar deur die mans oorval kort ná die ma wakker geword het aangesien sy beweging in die huis gehoor het,” het Van Dyk gesê.

Die mans het op kontant aangedring. Heunis het vir hulle gesê daar is geen geld in die huis nie, maar die mans kan enigiets vat wat hulle wil, solank hulle net die gesin uitlos.

“Die verdagtes het ses skote gevuur, waarvan een die man in sy kop getref het. Hulle het net met ʼn selfoon van die toneel gevlug.”

Heunis se vrou, Mariandra, en hul dogtertjies is nie beseer nie.

Die Kameeldrift-polisie ondersoek ʼn saak van moord. Niemand is nog in verband met die voorval in hegtenis geneem nie.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

27 Kommentare

jongste oudste gewildste
Lallie

Daar is nie woorde nie.

Theresa M

Ek is ook spraakloos, van skok. Die sinneloosheid….. en hoe wreed die mens kan wees. Here, omvou sy vrou en kindertjies met U liefde.

Sydney

Hannes jy is so reg. Wat gebeur met hulle wat so moor. Niks nie. Want die reg is aan hulle kant. Hulle weet as hulle gevang word kry hulle slaapplek kos klere en mediese sorg hoe lekker op ons hard verdiende geldtjies wat oor betaal word aan oom Jan Taks

hanli du plooy

My innige meegevoel en simpatie vir diefamielie en friende met die afsterwe van u geliefde … hoop hulle vang daai mense en gooi hulle ini tronk en gooi sleutel ini see….. sterkte aan almal wat geraak word in die hartseer tyd

Ella

Hoekom gebeur dit dat sulke wrede barbaarsheid aanhoudend toeneem? Waar het dit begin? Wetgewing alleen gaan nie ‘n oplossing wees nie. Ons het die ingryping van BO nodig!