Pta-skool se naamsverandering goedgekeur

Hoërskool Hendrik Verwoerd (Foto: Maroela Media)

Die Gautengse departement van onderwys het amptelik die naamsverandering van die Hoërskool Hendrik Verwoerd in die Pretoriase Moot goedgekeur.

Panyaza Lesufi, provinsiale LUR vir onderwys, het op Twitter bevestig die skool sal voortaan as Rietondale Secondary School bekend staan. “My missie in die lewe is om alles te verander wat dié man Verwoerd aan ons onderwysstelsel aangerig het. Ander name soos Jan Smuts sal ook verwyder word. #NomorHoërskoolHFVerwoerd.”

Olga Veldsman, voorsitter van die skool se beheerliggaam, het in Maart 2018 aan Maroela Media gesê daar is ʼn paar name op ʼn kortlys geplaas wat aan die departement van onderwys gestuur is vir goedkeuring. Die skool het sedert 19 Februarie 2018 voorstelle vir ʼn nuwe naam ingevorder en die proses is op 19 Maart 2018 afgesluit.

“Leerlinge, onderwysers, ouers, oudleerlinge en die gemeenskap kon voorstelle vir ʼn nuwe naam vir die skool maak,” het sy in daardie stadium gesê.

Veldsman het benadruk dat die skool en die beheerliggaam verbind is tot die waardes en doelwitte wat deur die onderwysdepartement uiteengesit word. “Die skool het oor baie jare bewys dat ons ten volle toegewyd is om ons gemeenskap te dien in ʼn geïntegreerde en nierassige samelewing. Die belangrikheid van dié transformasie vir ons skool, ons kinders en die gemeenskap as ʼn geheel, kan nie genoeg beklemtoon word nie,” het sy bygevoeg.

Hoërskool Hendrik Verwoerd se beheerliggaam het ʼn verklaring met die voorneme om die skool se naam te verander reeds in Julie 2016 by die onderwysdepartement ingedien. Die onderwysdepartement het die skool se aansoek in Februarie 2017 goedgekeur maar die skoolhoof, Hennie du Toit, het in dieselfde jaar besluit om af te tree.

Volgens Veldsman het die skoolbeheerliggaam besef sy aftrede sou ʼn reuse-impak op die skool en die gemeenskap hê. “Groot veranderinge gaan gewoonlik met ʼn tydperk van onsekerheid gepaard. Vir die skool om ʼn nuwe karakter rondom ʼn nuwe naam te bou sal sterk leierskap van ʼn hoof en die hele skoolbeheerliggaam as ʼn eenheid vereis en daarom was dit vir die beheerliggaam belangrik om eers te wag totdat ʼn nuwe hoof aangestel is,” het sy toe gesê.

Debré Bam, die nuwe skoolhoof, is in Oktober 2017 aangestel en die skool kon daarna met die naamsveranderingsproses voortgaan.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

101 Kommentare

jongste oudste gewildste
Hens

Net geld mors. Hou op aan gaan oor stupid name. On geag wat die naam is dit bly dieselle skool. Die geld kon gebruik geword het vir soveel beter goed

Eben P

Jaaaa ou pantaza ons hoor jou maar Verwoerd was nie so korrup soos jou regering nie Gaan aan ou geote jy sal eendag jou allie ook sien Gee liewer aandag aan al die swak skole wat jy beheer Terloops het almal al boeke gekry

thelsa

My wens is dat Gauteng Department van Onderwys met alles so vining en suksesvol sal wees as wat hulle op naamsveranderinge reaggeer.

Diertjie

Siestog als wat blank is en was is n bedreiging vir hulle?as jy iets opgevoeter wil he gee dit net vir sekere van ons landsburgers hul weet hoe om op te mors!!!

TTh

Dr Verwoerd was die grootste staatsman wat die wereld nog gesien het.