Argieffoto
Die skool het by die Suid-Afrikaanse Instituut vir Dwelmvrye Sport (Saids) aangesluit in ʼn poging om sy leerders te beskerm. “Ons wil ʼn E.G. Jansen-tipe situasie vermy,” het Sylvester Booysen, die skool se kondisioneringsafrigter, gesê.
Hoërskool E.G. Jansen in Boksburg was onlangs in die nuus nadat leerders glo met steroïede in hul besit betrap is.
Nerice Swanepoel het Donderdag Menlopark se leerders toegespreek en hulle gewaarsku teen sportaanvullings. “Die probleem met sulke aanvullings is dat die bedryf nie gereguleer word nie. Die vervaardiger kan dus sê die produk bevat geen verbode middels nie, al is dit wel die geval.”
Sy het gesê dit kan daartoe lei dat ʼn speler vir vier jaar verban kan word om aan sport deel te neem. Swanepoel het gesê die skool kan sy diskresie gebruik om te besluit wie om te toets en dat die speler nie ʼn sê daarin het nie.
Gevaartekens wat op die gebruik van steroïede dui is diep rooi rekmerke aan die lyf, erge puisies op die rug en bors en hoë bloeddruk. Medisyne soos Ritalin en Concerta is ook verban maar wel toelaatbaar om mediese redes.
Wanneet toets iemand Monnas se kinders?
Alle skole moet toetse begin doen. Daar’s grootskaalse steroide gebruik tans en die ergste is dat baie van die kinders se ouers ondersteun dit…. Dis “obvious” as mens na van die seuns kyk dat hulle abnormaal ontwikkel is vir hul ouderdom. So, begin maar toets, daar sal baie positiewe resultate uitkom!!