Pta-skoolhoof in hospitaal met Covid-19

Chris Denysschen, hoof van die Hoërskool Waterkloof, saam met Panyaza Lesufi, LUR vir onderwys en Angie Motshekga, minister van onderwys. (Foto: Mariska Nanni)

Chris Denysschen, skoolhoof van Hoërskool Waterkloof in Pretoria, is in die hospitaal opgeneem nadat hy positief getoets het vir Covid-19.

Boonop is heelwat leerders en onderwysers in afsondering geplaas ná ʼn aantal positiewe gevalle van Covid-19 by dié skool.

“Ons is gedurig in kontak met sy familie en alles gaan onder omstandighede goed,” het Lydia Hartley, adjunkhoof, Vrydag in ’n verklaring gesê.

Sy het verder gesê dat die skool voorkomend optree en verskerpte maatreëls getref het om verdere verspreiding te voorkom. Die skool is nie gesluit nie.

Benewens streng Covid-19-regulasies sal daar minder leerlinge op die perseel toegelaat word en sal personeel ook met aanlyn klasse voortgaan.

Hartley het bevestig dat beperkte sportaktiwiteite sowel as opedae op 20 en 21 April voortgaan, maar dat streng maatreëls sal geld.

 

 

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

5 Kommentare

jongste oudste gewildste
Maria

Sterkte

Johanna

Ons skoolkinders kry swaar met die afsondering. Daar is n geneigdheid van hopeloosheid, depressie, verslaendheid.
Die situasies in ons land met korrupsie, swak dienslewering , werkloosheud, plaasmoorde, ens ens raak selfs teveel vir volwassenes, hoeveel te meer vir die jeug en kinders.

twaalfboor

Voorblad nuus omdat die skoolhoof van “Waterkloof” hoërskool is. As dit ń minder “gesiene” skool was sou dit nogsteeds nuusblad behaal het?

Samuel

Baie sterkte en spoedig gesond word.

Dit lyk nie of al die danige voorsorgmaatreël altyd en oral werk nie.

Johan

Los die regulasies, oor 2 weke is almal in die skool immuun teen die siekte…boom, done, gaan aan.