Pta-straatnaamtwis: Uitspraak voorbehou

Argieffoto

Argieffoto

Die konstitusionele hof het Donderdag uitspraak voorbehou in die saak tussen AfriForum en die Tshwane-metroraad rakende die verandering van Pretoria se straatname.

Die saak het drie uur geduur, waartydens albei kante hul saak gestel het.

AfriForum het op 19 April 2013 ʼn tussentydse bevel gekry wat bepaal dat Pretoria se ou straatname in ʼn tydperk van 60 dae weer ingestel moet word, hangende ’n hersieningsaksie wat AfriForum in 2012 van stapel gestuur het om die metroraad se besluit om 29 straatname te verander tersyde te stel.

Die metroraad het sedert 2013 teen die saak geappelleer en die appèl is uiteindelik gedurende Mei 2015 voor ʼn volhof van drie regters in die Gautengse hooggeregshof in Pretoria aangehoor. Die hof het ten gunste van AfriForum bevind en beveel dat die raad die ou straatname saam met die nuwes moet behou, hangende die afhandeling van ’n hersieningsaksie deur AfriForum.

Die metroraad het ná die saak verder misluk in sy aansoek om spesiale verlof na die appèlhof, waarna hulle ’n aansoek by die konstitusionele hof ingedien het.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

10 Kommentare

jongste oudste gewildste
André

Ag baie dankie Afriforum.
Te danke aan julle gaan die straat name wat terug moet verander uit die belasting betaler se sak uit moet kom. Om nie eers te praat van die GPS b*llsup nie.
Dink julle nou regtig dis ‘n oorwinning. Dit kos ons as belasting betalers net al hoe meer geld wat anders aangewend kon word.

Irene

Metroraad is bekommerd oor name shame daar is ander dinge om na te kyk in SA maak oop jul d oe

E

Maak eerder die paaie reg. Die naamborde word nie oor gery nie en het nie potholes nie.

Rina Pretorius

Vir ons mense wat nie in Pretoria bly nie is dit n helse frustrasie om hierdie nuwe name te sien, ek is ‘n voorstaander dat die name wat al n leeftyd daar was daar moet bly, laat die staat uit hulle eie sak die kostes dra want hulle was voortvarend om alles sommer net te gaan verander soos hulle wil en dit terwyl daar ‘n hofbevel is om dit nie te doen nie. Dit sal dalk goed wees om albei name te hou vir die wat eerder die nuwe name wil gebruik asook die wat die ou name wil gebruik,… Lees meer »

Bruno Stef

Dit is n kwessie van beginsels en sou ook nie soveel gekos het nie as die gemeenskap van Pretoria in die eerste plek geken is nie maar die dikvellige ANC kaders wil hulle wil op die publiek afdwing.So ASB soos die engelse se “You are barking up the wrong tree”