Pta-tiener vermoor: ‘Sy was ʼn pragtige jong dame’

Shayleen van Zanten. Foto: Facebook

Shayleen van Zanten. Foto: Facebook

Niemand is nog in hegtenis geneem vir die moord op die tienermeisie van Pretoria, Shayleen van Zanten (15), wat Woensdag by Trafalgar naby San Lameer met ʼn skerp voorwerp doodgesteek is nie.

Maj. Thulani Zwane, provinsiale polisiewoordvoerder in KwaZulu-Natal, het Vrydag aan Maroela Media gesê die moordenaar is steeds op vrye voet.

Maroela Media het vroeër berig Shayleen was saam met haar pa en vriende op vakansie toe sy en ʼn vriendin omstreeks 18:00 die aand gaan stap het. ʼn Man het hulle voorgekeer en Shayleen beveel om haar selfoon te oorhandig. Nadat sy glo geweier het om dit te doen, het hy haar in haar arm, bors en lies gesteek. Shayleen het later in die hospitaal aan haar wonde beswyk.

Hoërskool Eldoraigne, waar Shayleen vanjaar ʼn gr. 9-leerder was, het hul medelye op hul Facebook-blad uitgespreek: “Ons innige simpatie gaan uit aan haar [Shayleen se] ouers, familie en vriende. Shayleen sal onthou word as ‘n pragtige jong dame, wat akademies goed presteer het en op ‘n stil manier altyd ‘n positiewe bydrae gelewer het in elke situasie waarin sy haar bevind het,” het die skool gesê.

Die Pretoria Capitals yshokkieklub het op hul beurt namens die yshokkie-gemeenskap op Facebook hul medelye uitgespreek teenoor Shayleen se familie en vriende. Shayleen was nie ʼn lid van díe klub nie, maar wel van die Forest Knights yshokkieklub.

Talle boodskappe het die afgelope paar dae op sosiale media ingestroom van mense wat hul skok en medelye oor die voorval betuig het.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.

16 Kommentare

jongste oudste gewildste
Anoniem

Mag YAHVAH vrede en krag vir die familie gee in die tragiese tydperk.

Berhalet Beukes

God, U is Almagtig… Dra asseblief haar vriende en familie gedurende hierdie moeilike tyd.

Suritha

Dis so sleg, ons is by TO en het self pragtige kids. Waar is ons nog veilig. Mosambiek viel vir my veiliger.

Katryn

Maroela, ek sien julle plaas nie my kommentaar nie. Nou mag mens niks meer op die naam noem nie??? Moet ons maar net altyd polities korrek wees en daardeur die waarheid omseil?

Elbie

n pragtige jong lewe wat barbaars gesteel is! My hart gaan uit na Shayleen se familie en vriende.