Publiek kan menings gee oor rassisme, haat teenoor minderheidsgroepe

swartgesig-herrie-by-US-Maties

Foto: Facebook.

AfriForum gaan ’n internasionale verslag uitreik waarin die toename van rassisme en haat teenoor Suid-Afrikaanse minderheidsgroepe, veral witmense en Afrikaners, toegelig word.

Ernst Roets, adjunk uitvoerende hoof van AfriForum, het Maandag gesê die publiek word genooi om menings ter insae te gee en klagtes onder die burgerregte-organisasie se aandag te bring. Die verslag sal gedurende die eerste helfte van 2016 tydens ’n konferensie vrygestel en ook internasionaal onder navorsingsinstellings en meningsvormers versprei word.

“Die verslag sal onder meer verwys na ’n reeks voorvalle die afgelope twee jaar waarin growwe dubbele standaarde in die rassedebat gepleeg word, veral met betrekking tot jongmense wat in die nuwe Suid-Afrika grootgeword het,” het Roets gesê.

Roets het gesê dat die rassedebat in Suid-Afrika só skeefgetrek is dat dit nie meer op rasionele argumente gegrond is nie. “In sekere gevalle word die debat heeltemal absurd. Die gevolg daarvan is dat minderheidsgroepe tot die gevolgtrekking kom dat hulle die debat nie ernstig kan opneem nie. Dit is óók nadelig vir die debat, aangesien openhartige gesprekvoering waarin alle rolspelers se menings ernstig opgeneem word nou broodnodig is.”

Volgens Roets is die onlangse geval waartydens twee vrouestudente aan die Universiteit van Stellenbosch (US) hulself klaarblyklik vir ’n studentepartytjie pers geverf en met blinkertjies besprinkel het om soos ruimtewesens te lyk, ʼn voorbeeld van talle gevalle wat in die verslag toegelig sal word. “Dié studente word nou dissiplinêr ondersoek omdat die verf ‘te donker’ was en dit op sekere foto’s soos swart verf gelyk het, wat kwansuis rassisties is.”

Ander voorbeelde wat ter sprake kom, sluit in die sing van haatliedere om mense op te sweep, moordaanhitsing op sosiale media, rassistiese opmerkings deur regeringsleiers en bewerings dat dit onmoontlik is vir swartmense om rassisties op te tree.

Mense wat ʼn bydrae wil lewer, kan hul menings en insae na [email protected] e-pos.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

30 Kommentare

jongste oudste gewildste
m

Die hele storie is so belaglik en lagwekkend. Die spul voel nou weer bedreig en minderwaardig deur hulle velkleur. Kom by asseblief!!!

PJ

Identiteids probleem

tv

Hierdie hele ding raak belaglik. Dit is die regering wat rassisme aanhits. Kyk na die onteiening van grond, volgens die regering is die grond van die swart mense gesteel. F W word beskuldig nou as n rassis. Alles wat blankes doen is rassisties, maar die ander groepe kan se en sing en doen net wat hulle wil. Daar is soveel blankes wat uitreik werk doen , maar daar is geen waardering daarvoor nie

Theresa

Pateties verby!! Wat dan van die gesigte wat swartmense wit verf met sekere seremonies??? Die hele besigheid is sommer siek. Is daar regtig nog iewers in die wêreld ‘n plek waar blankes so vieslik behandel word in 2016? Los almal – almal uit. Die mense het regtig nodig om op die behoud van hierdie pragtige land te fokus en hul minderwaardigheidsgevoelens (wat hulself skep al vir jare en jare) nou te bowe kom. Maar, nou wonder ek of hul sal swaai na meerderwaardigheid en in elk geval aanploeter??

Elizbe van der Colff

Dankie vir die insiggewende artikel en die werk wat Afriforum hier doen. Dit lyk vir my asof die rassekwessie ‘n rookskerm geraak het, juis vir doelbewuste pogings en aanvalle om rassehaat en onmin aan te wakker. Dis steel ons tyd, ons geld, ons energie, ons bronne en ons vreugde en dit maak van ons nasie in geheel swakker.