Pukke: ‘Gerugte van geweld onwaar’

'n Gebou in vlamme gehul Woensdagaand op die NWU se Mafikeng-kampus. Foto: Twitter

‘n Gebou in vlamme gehul Woensdagaand op die NWU se Mafikeng-kampus. Foto: Twitter

Die Noordwes Universiteit (NWU) het Donderdag gerugte ontken dat die Potchefstroom-kampus se hekke gesluit moes word uit vrees dat die geweld van die Mafikeng-kampus daarheen sal oorspoel.

Kiewiet Scheppel, woordvoerder van die Potchefstroom-kampus, het aan Maroela Media gesê hulle is bewus van die dreigemente wat op sosiale media die rondte doen, maar geen voorvalle van geweld of betoging is by die Potchefstroom-kampus aangemeld nie. “Die hekke is geensins gesluit nie, almal kan kom en gaan soos hulle wil. Bedrywighede gaan voort soos normaal,” het sy gesê.

“Ons het ʼn hoër sigbaarheid van veiligheidspersoneel op die kampus aangesien ons bewus is van die dreigemente, maar alles is rustig en kalm hier.”

Die NWU se Mafikeng-kampus moes onbepaald gesluit word nadat betogers Woensdagaand verskeie geboue op die kampus aan die brand gesteek het, voertuie vernietig het en die kafeteria geplunder het. Traangas en rubberkoeëls moes gebruik word om die betogers onder bedwang te bring en hulle het gereageer deur veiligheidspersoneel met klippe te bestook.

Koos Degenaar, woordvoerder van die NWU Mafikeng-kampus, het Donderdagmiddag aan Maroela Media gesê die kampus is stil nadat al die koshuise ontruim is. “Ons het die studente gevra om ter wille van hul eie veiligheid die kampus te ontruim. Die meeste studente is reeds weg.”

Op ʼn vraag of gerugte waar is dat die kampus vir die res van die jaar gesluit sal moet wees, het Degenaar gesê daar is nog nie besluit wanneer die kampus sal heropen nie. “Die institusionele bestuur van die universiteit is tans in ʼn vergadering en hulle sal hieroor besluit.”

Beide Degenaar en Scheppel het bevestig daar was navrae van studente van die Mafikeng-kampus om tydelik op die Potchefstroom-kampus gehuisves te word. Die bestuur sal ook hieroor besluit en later meer inligting gee.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.

10 Kommentare

jongste oudste gewildste
Josua Keys

Onder geen omstandigehde moet enige van die Mafikeng Kampus se studente by Potchefsrtoon Universiteid gehuisves word nie, dit is die begin van gaos by Potchefstroom en klaar. Die oplossing hier is dat daar n nood situasie afgekondig word on die ANC daarvan hou of nie die weermag moet ontplooi word saam die polisie soos ons in die ou dae by Universiteid van die Noorde Pietersburg gedoen het om veiligheid aan alle studente te bied wat met veiligheid die perseel kon betree en verlaat asook studeer, ons het by die hekke waggestaan in en om die Universiteid gepatroleer sonder enige voorvalle… Lees meer »

hans

Nog steeds nie n woord van veroordeling van Vise-Kanselier Dan oor die verwoesting op Mahikeng kampus asook oor die aanranding van die vroulike dosent. Enigste gevolgtrekking is hy is bang om teen die EFF en meelopers op te tree. Uiteindelik is dit die belastingbetaler wat deur SARIA betaal vir die skade aangerig.

VerVanRyn

Die PUK het reeds laat weet dit is onmoontlik en onwaar dat Mafikeng se studente hier toeglaat gaan word.

Gerda

Geensins!!! As julle nou wil he daar moet verdere opstand en vernietiging van eiendom wees, asook ontwrigting van ander studente se studies, moet NWU toelaat dat studente vanaf Mafikeng na Pukke oorkom, al is dit net tydelik.
Die rampokkers van Mafikeng stel nie belang in studies en hulle sal enige iets doen om te ontwrig en af te breek en so hul politieke motiewe af te forseer op NWU. So hou hulle uit. Gaan huur lokale waar hulle apart kan aangaan

Johann Marx

Die studente moet aanhou met hierdie gedrag. Die dag kom nader dat die Pa’s gaan inspring en hierdie gemors uitsorteer….en dan gaan julle gatte brand. Ek werk my rug af om twee studente daar te hou sodat hulle kan studeer en beter mense van hulleself te maak. Vir my het geen “fees ge-fall nie”……ek betaal. As daar net soveel as EEN klas van enige van my studente ontwrig word, sal ek jou kom ontwrig swakkeling…..Moenie sê jy’t nie geweet nie.