Vriende en familie van Johanco Fleischman (19) en Jessica Kuhn het Donderdag vreedsaam buite die landdroshof in Benoni betoog waar twee mans wat in verband met hul moorde aangekeer is, weer in die hof verskyn het.
Fleischman en Kuhn het in Mei verlede jaar op Putfonteinweg in Benoni sonder brandstof gaan staan toe hulle koelbloedig doodgeskiet is. Die twee verdagtes is in Junie vanjaar, ʼn jaar ná die moorde, in Benoni aangekeer.
“As ʼn ma … die hofverrigtinge vat aan jou. Ek is elke keer by die hoof en ek is OK, maar hierdie ding krap aan my,” het Marika Fleischman, Johanco se ma, gesê.
“Die aand voor die hofverrigtinge slaap jy glad nie. Die volgende dag sit jy heeldag in die hof. Dis nie maklik nie.”
Fleischman sê hoewel sy vertroue in die regstelsel het, weet sy ook dat iemand “onskuldig is tot hy skuldig bewys word”.
“Daar is soveel goed in die proses wat kan verkeerd loop en ek maak my nie oop vir teleurstelling of seerkry nie. Ek is oopkop oor die hele hofproses.”
Die saak teen die twee verdagtes is tot volgende week uitgestel wanneer hulle aansoek om borgtog sal voortgaan.
Sterkte met die vertroue in die regstelsel
Geen borgtog asb.
Kan ons asb die name en nasionaliteite van die beskuldigdes kry Maroela Media?
Hoekom kry moordenaars borg?
Die n12 is n GROOT GEVAAR bitter lelike dinge vind gereeld plaas in daai omgewing….ek wil net weet waarom stel hul nie n lokval nie want die is nie die enigste geval nie
HOE KOM MOET DAAR ALTYD BORG WEES. HULLE IS MOORDENAARS … DIE OUERS HET KINDERS VERLOOR VIR ALTYD SAL HULLE.PLEKKIES LEEG WEES. WAT WIL DIE MENSE BEREIK OM ALTYD BORG VOOR TE STEL. SLUIT DIE GOED IN DIE SELLE TOE TOT DIE VOLGENDE HOF DATUM.. HULLE IS NIE GEREGTIG OM SIMPATIE TE KRY NIE HET HULLE SIMPATIE GETOON TOE HULLE HIERDIE PRAGTIGE JONG MENSE VERMOOR HET?????
Stem 100% met jou saam!!!