ʼn Beloning van R100 000 is uitgeloof vir enige inligting wat kan lei tot die suksesvolle vervolging van die persone wat ʼn polisiekonstabel in Erasmia, Centurion vermoor het.
“Die beampte het Vrydag reageer op ʼn oproep van ʼn huisroof wat aan die gang was toe hy drie keer in die bolyf geskiet is,” het lt. Kay Makhubela, woordvoerder van die polisie, gesê.
Die verdagtes het in ʼn blou Audi A4 met Gauteng-nommerplate gevlug.
Die polisie doen ʼn beroep op enigiemand met meer inligting om na vore te kom.