ʼn Reisiger van Tanzanië is Sondag met dwelmmiddels ter waarde van meer as R12 miljoen by OR Tambo Internasionale Lughawe betrap.
“Die 36-jarige, man, wat twee groot tasse gedra het, is versoek om sy bagasie op die skandeerder te plaas by die doeanepunt,” het Sandile Memela, woordvoerder van die Suid-Afrikaanse Inkomstediens, in ʼn verklaring gesê. “Doeanebeamptes het 10 deurskynende plastieksakke opgemerk wat ʼn wit kristalagtige middel bevat het.”
ʼn Ondersoek het aan die lig gebring dat die 10 sakke efedrien bevat.
Die sakke het altesaam 40.20 kg geweeg met ʼn geraamde straatwaarde van R12 060 000.
“Die man is aan die Suid-Afrikaanse Polisiediens oorgegee. Hy sal na verwagting binnekort in ʼn hof verskyn,” het Memela bygevoeg.
Die feit dat sulke roekelose kanse gevat word beteken waarskynlik dat ander dit regkry.
wragtag ek is seker daarvan jy moet eers n paar snuifies van iets vat om die moed he om so iets te try En die wat wel deurkom moet n kontak op lughawe he om wel die dwelms te laat deurkom
Hoe het hy in die eerste plek deur Tanzanie se doeane gekom?
Sit hom agter tralies en voer hom elke dag ‘n driedubbele dosis van sy middel sodat hy gou kan voel hoe dit voel om deur dié goed verniel te word. Skouerkllop vir die manne by doeane wat sulke ouens uitvang.