Foto verskaf deur die Valke
Drie verdagtes, tussen 28 en 43 jaar oud, sal na verwagting Dinsdag in die Vosman-landdroshof verskyn op aanklag van die besit van vermoedelik gesteelde diesel.
Die drie persone is Maandag in Witbank in hegtenis geneem.
Kapt. Lucy Sekgotodi, woordvoerder van die direktoraat vir prioriteitsmisdaadondersoeke (die Valke) het gesê beamptes het inligting ontvang dat die twee verdagtes na bewering in besit is van diesel wat uit Transnet se pyplyn in Mpumalanga en in die Vrystaat gesteel is.
“Die span het by die verdagtes se adres afgekom op twee vragmotors vol diesel, ter waarde van R1,4 miljoen, en ʼn kragopwekker,” het Sekgotodi verduidelik. “Verdere ondersoek het hulle ook gelei tot ʼn leë petroltenkwa en verskeie houers wat diesel bevat het.”
Die ondersoek duur voort. Verdere inhegtenisnemings kan nie uitgesluit word nie.
Dis absolute sabotasie. Slaan hul met ALLE mag wat reg mag uitoefen. Maak ‘n voorbeeld van hul
Dit het n lonende bedryf geword vir die terroriste.