R300 miljoen se juwele glo van Rupert gesteel

Johann Rupert.

Die perseel in Bryanston in Johannesburg waar daar Vrydagaand miljoene rande se juweliersware gesteel is, behoort glo aan die miljardêr-sakeman Johann Rupert.

Die polisie is op soek na ʼn onbekende aantal verdagtes na Vrydagaand se rooftog, het kapt. Mavela Masondo, woordvoerder van die polisie, gesê.

“Gewapende verdagtes het die kantoorpark binnegekom en die veiligheidswagte aangehou. Die verdagtes is hierna na die perseel waar die juweliersware gehou is. Hulle het die veiligheidsdeure afgebreek en met ʼn onbevestigde hoeveelheid juweliersware op die vlug geslaan.”

Die Sunday Times berig die waarde van die juweliersware wat gesteel is, beloop R300 miljoen en dat die perseel waar die rooftog plaasgevind het aan Rupert behoort.

Die polisie wou egter nie kommentaar hieroor lewer nie.

Volgens Masondo word ʼn saak van sakeroof ondersoek en is niemand nog in verband met die voorval in hegtenis geneem nie.

Enige iemand met inligting oor die voorval word versoek om Stop Misdaad by 08600 10111 te kontak.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

51 Kommentare

jongste oudste gewildste
Stephen

Affirmative shopping by the E……! They ran out of white capital.

SjN

Hulle wil dit namens Mnr Rupert oorsee neem na sy uitlating, die rowers besef nou ook hier is nie n toekoms in SA nie.

Koos de Meyer.

Waarom het jy veiligheidswagte. Dit laat mens wonder. Te bang om te skiet of wat.

Peet

Onteiening – semantiek. Wat gaan gebeur – niks!
Die regsproses, indien enige neem jarre – veral met die multi-verdieping regsstelsel.

Ag Ja

Het geen simpatie met AR nie. Hoekom in sy perseel hou? Wat van n inside job?