R33 miljoen se skade in brand by treinstasie

Foto: @MikMotala/Twitter

Die skade van die brand Sondag by die Kaapstad-treinstasie waarin twee treine verwoes is, beloop minstens R33 miljoen.

Metrorail in die Wes-Kaap het die verwoesting van die treine as ʼn “reuse-terugslag” bestempel. Maroela Media het vroeër berig die brand het Sondag omstreeks 15:40 plaasgevind en twee treine op platforms 13 en 14 is verwoes toe sterk winde die vlamme van een trein na die ander gewaai het.

Brandbestryders was teen 16:15 op die toneel en die brand was net ná 19:00 geblus. Volgens Metrorail is alle treinbedrywighede by die stasie as voorsorgmaatreël gestaak.

Altesaam 12 treinwaens en 300 m se kabels is verwoes. Geen personeel of pendelaars is egter beseer nie.

Metrorail sê in die verklaring die polisie is besig om kringtelevisiebeeldmateriaal na te gaan as deel van die ondersoek na die voorval, maar voorlopige aanduidings dui daarop dat brandstigting die oorsaak van die brand was.

Intussen sê Blade Nzimande, minister van vervoer, ʼn “sinistere mag” is besig om die Suid-Afrikaanse spoorwegstelsel te verwoes.

Nzimande het gister se aanval op die treinstasie in ʼn verklaring veroordeel. “Dit is nou onbetwisbaar dat daar ʼn sinistere mag aan die werk is om ons spoorwegstelsel te verwoes,” het hy gesê.

“Dit is ook duidelik dat hierdie mag meedoënloos en vasbeslote is om die ANC-regering se vordering en pogings om die Metrorail-diens te moderniseer in die wiele te ry.”

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

34 Kommentare

jongste oudste gewildste
Andreas

Die sinistere mag se naam is ‘dienslewering’.

Jurie Zwiegelaar

Ek weet nie wat is die minister se
bedoeling met n sekere sinistere mag nie.Dit is sy”my people who suffer” wat dit doen.

Chris

Kan nie verstaan nie volhens die minister is daar n sinistere mag aan die werk. Hoekom nou dit gaan al vir jare so. Voor 94 was dit ook n derde mag nou na 25 jaar het dit net verander na n sinisterere mag n ander naam vir dieslfde handeling. Waar is die NIS vir wie werk hulle . Is die mag besig om teen die DA of mnr CR te werk

boerboel

Chris ek dink iemand wil wys dat die ANC nie kan regeer nie en saai nou verwoesting, dis nie onmoontlik dat daar iemand betrokke is nie. Dat kan ook teen die Wes Kaap regering wees. Hier gebeur nou net te veel goed voor die verkiesing.

marous

Dis die sinistere man wat op groot skaal donkies boer . Hy wil oorvat as die krag en diesel op is .