Foto’s: R9 miljoen se vervalste goedere gevind

Die klopjag in Bellville Foto: Wes-Kaapse Polisie (verskaf)

Die klopjag in Bellville Foto: Wes-Kaapse Polisie (verskaf)

Die polisie in Bellville, Kaapstad, het Donderdagoggend op die middestad toegeslaan en beslag gelê op vervalste goedere ter waarde van minstens R9 miljoen.

“Die polisie het ook beslag gelê op onwettige sigarette ter waarde van R500 000 en ses bokse Khat,” het kol. Tembinkosi Kinana, woordvoerder van die polisie, in ʼn verklaring gesê.

Altesaam 20 onwettige immigrante is in hegtenis geneem.

“Twee mans van Ethiopië, onderskeidelik 28 en 29 jaar oud, is in hegtenis geneem in verband met die besit van dwelmmiddels en onwettige sigarette,” het hy bygevoeg.

Die afsper- en soek-operasie is gelei deur die Suid-Afrikaanse Polisiediens. Beamptes van die Suid-Afrikaanse Nasionale Weermag, metropolisie, verkeersdienste, Suid-Afrikaanse Inkomstediens en die departement van binnelandse sake en handelsmerkspesialiste het ook deelgeneem.

ʼn Soortgelyke operasie is in Parow uitgevoer en sewe persone is in hegtenis geneem in verband met gesteelde goedere, dwelmmiddels en vervalste goedere. “Die polisie het beslag gelê op vervalste goedere insluitend CD’s, skootrekenaars en kameras.”

Genl.maj. Thembisile Patekile, waarnemende provinsiale polisiekommissaris, het die gesamentlike poging geprys. “Ons doel met die operasies is om wet en orde te herstel,” het Patekile gesê.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

10 Kommentare

jongste oudste gewildste
J.Z

!0/10 vir die polisie en almal wat gehelp het om die misdadigers aan tekeer.Fantasties.

THEA SWART

fantasties!!!!!! sal net graag wil weet wat maak hulle met hierdie goed wat hulle so konfiskeer?
beland dit op die ou einde van die dag in iemand se besit? of raak dit ook stelselmatig weg soos die wapens?

Eish!

Dink ek is dom. Die skootrekenaars? Vervals of gesteel? Ek vra want ek het nie een en begeer nog net een.

chris theron

Het nogal gewonder oor die “goedkoop” produkte tydens ons kuier in RSA..aptekers ware 60% goedkoper op straat as in winkels…die meeste uitlanders wat stalletjies bedryf .

JoeV

Knap gedaan. Wanneer raak dit onwettig om vervalste goedery te besit? As verbruikers aanhou om vervalste goedere te koop sal daar ‘n mark wees, net soos met dwelms. Saps kan maar al die “China malls” dagliks besoek, die wortel van ons ekonomie se toestand.