Radio Kaapse Kansel terug op die lug

Argieffoto ter illustrasie (Foto: Unsplash)

Luisteraars kan weer op Radio Kaapse Kansel 729AM inskakel.

Die radiostasie was Sondag van die vroeë oggendure tydelik van die lug nadat plunderaars die stasie se sender tussen Stellenbosch en Malmesbury beskadig het.

Kosie Burger, bedryfshoof van Radio Kaapse Kansel 729AM, het intussen aan Maroela Media bevestig dat die stasie se uitsending herstel is.

Radio Kaapse Kansel 729AM het omstreeks 16:00 weer op die lug gegaan.

Dít nadat boosdoeners in die vroeë oggendure die elektriese heining ontkoppel en deur ’n dak geklim het om toegang tot die sender te verkry. Die koperplaat waarop die sender staangemaak is, is uitgebreek en verwyder. Daar is ook skade aan ander toerusting aangerig.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.

3 Kommentare

jongste oudste gewildste
Stof

Ek is dankbaar dat die Goeinuus-radio weer hoop versprei. Sesert die Transwêreld Radio dae, was Radiokansel en medewerkers al ‘n gewaardeerde, goedgeöluede Evangelisasiemasjien. Mag Vader se guns op hulle groot wees en daagliks groei.

Oom Hennie Pennie

Die eveangelie sal nie gestop word nie

Samuel

Plundery seker te wyte aan die feit dat dit ‘n evangeliese omroep is. Niks en niemand kan die evangelie stop nie.