Ramaphosa gaan sê hoe Eskom gered gaan word

Pres. Ramaphosa en van sy ministers vergader met Eskom se raad. Foto: Jairus Mmutle/GCIS

Pres. Cyril Ramaphosa sal na verwagting môre in sy staatsrede verdere maatreëls aankondig om Eskom se finansiële en operasionele volhoubaarheid te herstel.

Ramaphosa het Dinsdag met lede van Eskom se raad vergader by die Genadendal-ampswoning in Kaapstad.

Volgens die presidensie is die vergadering, wat ook deur die ministers van finansies, minerale bronne, energie en openbare ondernemings bygewoon is, belê om die aksies wat onderneem moet word om Eskom te stabiliseer in die lig van sy finansiële en operasionele uitdagings te belyn.

Eskom se raad het ʼn verslag voorgelê rakende die implementering van sy negepuntplan met die klem op sleutelprioriteite wat nodig is om ononderbroke elektrisiteitstoevoer te verseker, koste te sny, die kragvoorsiener doeltreffendheid te bestuur en om inkomste te verhoog deur onder meer hoër insamelingsperke.

Ramaphosa het reeds vroeër gesê Eskom is te groot en krities vir die land se ekonomie dat daar toegelaat kan word dat die staatsinstelling misluk.

“Ramaphosa het aan die Eskom-raad benadruk dat die kragvoorsiener, Afrika se grootste elektrisiteitsprodusent en een van die land se mees strategiese bates, van kritieke belang is vir Suid-Afrika se groei en ontwikkeling,” het die presidensie gesê.

Ramaphosa sal Donderdagaand sy staatsrede lewer en sal na verwagting dan die verdere maatreëls aankondig.

Die president het in sy staatsrede in Februarie aangekondig Eskom sal in drie eenhede verdeel word om die kragvoorsiener te help om koste te sny, sy balansstaat te versterk en hom in staat sal stel om krediteure te nader.

 

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

13 Kommentare

jongste oudste gewildste
fred

wat cr ook al gaan sê die feit is dat eskom 500 biljoen skuld en dit moet betaal word……en 20.000 teveel werkers…..wat kan die man meer sê??????

Spike

Solank comrades en kaders dit bestuur sal dit gedoem wees.

Eskomiet

Al die kommentaar lewers.Dankie vir jul optimisme, dit help om die klompie wat oor is in Eskom en werklik kundig is te help om te probeer red wat te redde is en JULLE krag aan te hou. Eintlik het ons julle nie in die land nodig nie.

Ou Johnny

Begin om Soweto se krag af te sny en onwettige koppelings te verwyder dan sal dit beter gaan, Soweto skuld ‘n derde van die geld wat Eskom kort

Werner

En toe hy wakker word is sy koffie koud