Ramaphosa gee meer duidelikheid oor grondhervorming

Pres. Cyril Ramaphosa. Foto: Jairus Mmutle, GCIS

Pres. Cyril Ramaphosa het Donderdagmiddag die DA sowel as die EFF aangeval oor hul sienings van grondhervorming, en ʼn sterk aanduiding van sy eie standpunt daaroor gegee.

In sy repliek op die debat oor sy begrotingspos het Ramaphosa gesê grondhervorming is noodsaaklik vir stabiliteit, en dat die eienaarskap van grond nie tot die huidige klein groep grondeienaars beperk kan bly nie.

Hy het gesê dit is noodsaaklik dat die ekonomiese potensiaal van grond ten volle ontsluit moet word.

Hy het die DA-leier, Mmusi Maimane, en die EFF-leier, Julius Malema, daarvan beskuldig dat hulle sy beleid verdraai deur strooipoppe op te stel wat hulle dan weer na willekeur afskiet.

Ramaphosa het ʼn verdere stap geneem om toekomstige grondbeleid te plaas binne die ANC se resolusie oor onteiening wat verlede Desember op die party se nasionale konferensie by Nasrec aanvaar is.

Hy het gesê die ANC-beleid strook met daardie besluit, wat onteiening sonder vergoeding steun solank dit nie die landbou, ekonomie of voedselsekerheid benadeel nie.

Ramaphosa het voorts gesê hy meen onteiening sonder vergoeding behoort slegs grondwetlik plaas te vind. Hy het Malema se stellings oor grondbesetting trompop geloop en gesê sulke besettings sal nie geduld word nie.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

68 Kommentare

jongste oudste gewildste
Marius van Niekerk

Baie mooi Mr President!!!
Jy sal van krag tot krag gaan. Ten minste regeer jy die land.
Welgedaan!!

Paul

Ekonomiese potensiaal!

Daan

So wat bedoel hy? Met solank ekonomie en voedsel sekerheid nie benadeel word nie, Gaan daar net hier en daar ‘n plaas en die myne verskoon word, en al die plekke wat baie geld inbring agv. minerale of groot besighede, kruger wildtuin en die tiepe van goed, maar die res van die land onteien sonder vergoeding, of wat? Te onduidelik, hier kan ‘n slap riem rondle.

willie

Vandag 6, môre is dit ñ half dosyn! As jy nie duidelike standpunt in neem wat jou beleid is nie gaan jy vorentoe net nog meer verwarring en elende veroorsaak! CR die land smeul reeds kan jy nie sien dit gaan brand nie?

David

Ek mis ‘n paar items in dié simplistiese beskouing, dat grond al die elende gaan regmaak.

Hier is ‘n paar van hulle (voeg gerus by)
1) Bekom vaardighede deur harde werk en deursetting;
2) Gebruik dié vaardigehede om waarde toe te voeg, wat in kapitaal omgeskakel word;
3) Belê die kapitaal in bates in opvoeding vir jou en jou kinders.